Faiq Ağayev Toliklə barışığının pərdəarxası məqamlarından danışdı
Xalq artisti Faiq Ağayev prodüser Toliklə barışması haqqında açıqlama yayıb. Axşam.az-ın verdiyi məlumata görə, müğənni prodüserlə aralarındakı problemin...
Xalq artisti Faiq Ağayev prodüser Toliklə barışması haqqında açıqlama yayıb. Axşam.az-ın verdiyi məlumata görə, müğənni prodüserlə aralarındakı problemin səbəbinə aydınlıq gətirib: "Son zamanlar bəzi mətbu orqanlarda haqqımda ardıcıl olaraq çirkin məlumatlar yer alırdı. Məsələnin şəxsi olmasını və dəyərli mətbuat nümayəndələrinin israrlı istəklərini nəzərə alaraq, mövzuya münasibət bildirmək istəyirəm. Təqribən, yarım il ərzində prodüser Tolik tam səbəbsiz və əsassız olaraq ünvanıma xoşagəlməz fikirlər bildirirdi. Məsələyə aydınlıq gətirmək üçün onu görüşə çağırıb hərəkətlərini izah etməsini istədim. Məlum oldu ki, Tolik bu hərəkətləri ətrafında dolaşan bədxahların yalan sözlərinə inanaraq, onların təhriki nəticəsində edib. Bu həqiqət ortaya çıxdıqdan sonra Tolik etdiklərindən təəssüflənib məndən üzr istədi. Onun bu səmimi, cəsarətli addımını dəyərləndirib üzrxahlığını qəbul etdim və aramızda olan mənasız qarşıdurmaya son qoydum". Xatırladaq ki, Faiq Ağayevlə Tolik uzun müddətdir küsülü idi. Bir neçə gün əvvəl Tolik Faiqin evinə gedərək onunla barışdığını açıqlamışdı.
Əməkdar artist Nüşabə Ələsgərli plastik əməliyyatdan sonra ilk dəfə kamera qarşısına keçib. Bir kanalın Yeni il çəkilişlərinə qatılan müğənninin xeyli arıqladığı görülüb. Sənətçi 16 kiloqram çəki atdığını bildirib: “Plastik əməliyyat əsasən gözümün altında edilmişdi. Bununla yanaşı bud hissələrimdə kiçik liposaksiya da etdirdim. Həm də oradan alınan yağ gözaltıma vuruldu. Əməliyyatdan sonra 16 kiloqram arıqlamışam. Hər iki prosedurdan razıyam. Gələcəkdə lazım olsa, yenə də plastik əməliyyata müraciət edəcəyəm”.
Artıq uzun müddətdir davam edən söz-söhbətlərin aradan qaldırılmasını istəyən Natavan Həbibi açıqlama verib. Show.az-ın məlumatına görə, o, bütün bu söz-söhbətləri sonlandırmaq qərarına gəlib: “artıq danışmağa mövzu yoxduR. Hər şey qanunla həll olunacaq. Mən bu həyatda elə yaşamıram ki, kiməsə güvənim, ya da kiməsə sığınım. Mənim güvəndiyim göydə Allahım, yerdə millətim və dövlətimin qanunlarıdır. Əgər kimsə kiminsə kölgəsində yaşayıb ona ünvanlanan şərəf və ləyaqətini alçaldan sözləri unuda bilirsə, o mən deyiləm.
Bir daha deyirəm, heç kim mənə hədə-qorxu gələ bilməz və adının çəkilməsini istəməyən hər kəsə deyirəm ki, elə bundan sonra mənim də adımı çəkməyin”.
Müğənni Samir Piriyev xalq artisti İlhamə Quliyevadan özünə ad, titul istəyib. Showlife.az-ın məlumatına görə, sənətçi, xanım Quliyevanın illər öncə ona dəstək olduğunu və “Üç min ilin hikməti” kitabını hədiyyə etdiyini açıqlayıb. Piriyev yarızarafat, yarıciddi ona da ad verməsi üçün müraciət edib. Daha sonra Samir özünün “S” kateqoriyasında olduğunu bəyan edib: “Birinci yerdə Samir Cəfərovdur, daha sonra Samir Bağırov gəlir, şou-biznesin ilkini qoyan müğənnilərdəndir. Samir Cavadzadənin də güclü səsi var. Ən zəifləri mənəm. Özlərinə bir nömrə deyənləri də canlı ifada yarışmağa dəvət edirəm. Biz “S” kateqoriyasındayıq, qoy “A” kateqoriyada olanlar gəlsin, bizimlə canlı oxusunlar!”
Sahilə Aslanova
Muz-Tv.az