Elton bəzi həmkarlarını tənqid atəşinə tutdu
Müğənni Elton Hüseynəliyev sosial şəbəkədə bəzi həmkarlarını tənqid edib.
Muztv.az xəbər verir ki, sənətçi toy musiqisindən şikayətçi olan müğənniləri qınayıb:
“Bəzi özünü “dahi” saymaq istəyənlər toyxana musiqisindən yaman şikayətçidirlər. Toy ab-havasından gileylənirlər. Mən isə çox xoşbəxtəm ki, toyxanadan sənətə gəlmişəm və bu gün Azərbaycan musiqisini gözəl təmsil edirəm. Toyda toy ab-havasında oxuyuram. Səhnələrdə isə klassik estrada janrını layiqincə oxuyuram. Heç vaxt özümü tərifləməmişəm. Təvazökar olmaq, böyüklərə hörmət etmək, səhnə mədəniyyəti, insanlara qarşı səmimi olmaq həyat devizim olub. Amma deyəcəm artıq, bəsdir daha! Bəstəkar nə qədər mahnı bəstələsə də, onun ifaçısı yoxdursa, o əsər elə kağız üzərində qalır. Amma elə mahnılar var ki, 1-2 ifaçı oxuya bilər. Necə ki, konsertə bir gün qalmış gedib ən çətin mahnılardan birini zərgər dəqiqliyi ilə oxumuşam...Bu ifadan sonra heç bir kişi müğənnisi oxuya bilməz. Deməli, "zərgər" müğənnidir. Bəstəkar zərgər ola bilməz. Əgər qiymət verə bilmirsə...Çox gülməli səbəbdən münasibətləri korlayıb, sonra da konsert anında ən çətin mahnısını mənə həvalə edə-edə...Toy ab-havasında öz halal əziyyətimlə, səsimlə qazandığım pulla mahnı alıramsa və o mahnını yüksək ifaçılıq mədəniyyəti və ürəyi ilə oxuya bilirəmsə, mən xoşbəxtəm. Ona görə ki, mən öz yerimi də, öz seçimimi də bilirəm. Paxıl deyiləm, öz həyatımı saf yaşayıram. Bundan sonra da o, insan mənim üçün yoxdur! Dəyər verən insan özü dəyərli olmalıdır. Mən sənin mahnılarının həsrətini çəkmərəm, narahat olma. Mən tələsmirəm. İnsan olmağa çalışıram. Ən böyük və çətin sənət insan olmaqdır”.
Muztv.az xəbər verir ki, sənətçi toy musiqisindən şikayətçi olan müğənniləri qınayıb:
“Bəzi özünü “dahi” saymaq istəyənlər toyxana musiqisindən yaman şikayətçidirlər. Toy ab-havasından gileylənirlər. Mən isə çox xoşbəxtəm ki, toyxanadan sənətə gəlmişəm və bu gün Azərbaycan musiqisini gözəl təmsil edirəm. Toyda toy ab-havasında oxuyuram. Səhnələrdə isə klassik estrada janrını layiqincə oxuyuram. Heç vaxt özümü tərifləməmişəm. Təvazökar olmaq, böyüklərə hörmət etmək, səhnə mədəniyyəti, insanlara qarşı səmimi olmaq həyat devizim olub. Amma deyəcəm artıq, bəsdir daha! Bəstəkar nə qədər mahnı bəstələsə də, onun ifaçısı yoxdursa, o əsər elə kağız üzərində qalır. Amma elə mahnılar var ki, 1-2 ifaçı oxuya bilər. Necə ki, konsertə bir gün qalmış gedib ən çətin mahnılardan birini zərgər dəqiqliyi ilə oxumuşam...Bu ifadan sonra heç bir kişi müğənnisi oxuya bilməz. Deməli, "zərgər" müğənnidir. Bəstəkar zərgər ola bilməz. Əgər qiymət verə bilmirsə...Çox gülməli səbəbdən münasibətləri korlayıb, sonra da konsert anında ən çətin mahnısını mənə həvalə edə-edə...Toy ab-havasında öz halal əziyyətimlə, səsimlə qazandığım pulla mahnı alıramsa və o mahnını yüksək ifaçılıq mədəniyyəti və ürəyi ilə oxuya bilirəmsə, mən xoşbəxtəm. Ona görə ki, mən öz yerimi də, öz seçimimi də bilirəm. Paxıl deyiləm, öz həyatımı saf yaşayıram. Bundan sonra da o, insan mənim üçün yoxdur! Dəyər verən insan özü dəyərli olmalıdır. Mən sənin mahnılarının həsrətini çəkmərəm, narahat olma. Mən tələsmirəm. İnsan olmağa çalışıram. Ən böyük və çətin sənət insan olmaqdır”.