Məşhur aktyor depressiyaya düşdü

İngilis aktyor Orlando Blum keçən oktyabr ayında boşandığı həyat yoldaşı Miranda Kerrin adının avstraliyalı milyarder Ceyms Parkerlə birlikdə çəkilməsinə görə...

   İngilis aktyor Orlando Blum keçən oktyabr ayında boşandığı həyat yoldaşı Miranda Kerrin adının avstraliyalı milyarder Ceyms Parkerlə birlikdə çəkilməsinə görə depressiyaya düşüb. Parkeri 5 ildir tanıyan ulduz yaxınlarına “Ceymsin Erika ilə evli olduğu dövrdə Miranda və mən onlarla birg’ tətilə gedirdik. Çox yaxşı dost idik. Ceyms ilə Mirandanın birlikdə olmasına dözə bilmirəm. Mənə xəyanət ediblər” –deyə şikayətlənib. Blumun dostları onun hələ də Miranda Kerrə aşiq olduğunu iddia edirlər.

  “Möhtəşəm yüz il” serialındakı “Parqalı İbrahim” rolu ilə şöhrətini daha da artıran aktyor Okan Yalabık Etilərdə gəzərkən kameralara tuş gəlib. Köhnə əşyalar satan bir kişinin qaz lampalarını diqqətlə müşahidə edən Yalabıkın həddən artıq kökəldiyi diqqətdən yayınmayıb. Aktyor yarım saat satılan mallara baxdıqdan sorna avtomobilinə əyləşərək oradan uzaqlaşıb.

   Amerikalı müğənni Nikol Şerzinger keçən şənbə günü münsifi olduğu “X Factor” yarışmasının finalında parlaq geyimi ilə göz qamaşdırıb. Üç finalistdən biri olan Sem Beyli ilə duet ifa edəhn 35 yaşlı müğənninin dərin dekolteli, şəffaf parçaladan tikilən libası maraqla qarşılanıb. İngiltərənin paytaxtı Londonda yerləşən Uembli Arenasından canlı yayımlanan proqramda səhnəyə təşrif  buyuran Şerzinger tamaşaçılar tərəfindən gurultulu alqışlarla qarşılanıb.  

   Dünyaca məşhur rusiyalı model İrina Şeyk “Real Madrid” futbol klubunun ulduzu Kristiano Ronaldoya jest edib. Belə ki, İrina İnstaqram hesabından Ronaldonun heykəlinin öpərkən çəkilən şəklini paylaşıb. Sözügedən foto cütlüyün heyranları tərəfindən 43 min dəfə bəyənilib.

 

Sahilə Aslanova

 

Muz-Tv.az