Toto Kutunyo “Sarı gəlin” ifası ilə hər kəsi valeh etdi

Dekabrın 18-də "Crystal Hall”da Heydər Əliyev Fondunun təşkilatçılığı ilə “San Remo ulduzları” adlı konsert baş tutub. İtaliyanın ən gözəl qadını...

     Dekabrın 18-də "Crystal Hall”da Heydər Əliyev Fondunun təşkilatçılığı ilə “San Remo ulduzları” adlı konsert baş tutub. İtaliyanın ən gözəl qadını hesab edilən Ornella Mutti və Tural Əsədovun aparıcılığı ilə davam edən gecədə Al Bano, “Rikki e poveri”, Rikardo Folyi, Umberto Totsi, Pupo kimi məşhurlar çıxış ediblər.

    Konserti giriş sözü ilə açan Ornella Mutti Azərbaycanın birinci xanımı Mehriban Əliyevaya minnətdarlığını bildirib. Daha sonra məşhur “San Remo ulduzları” bir-birinin ardınca səhnəyə çıxaraq sevilən retro mahnılarını səsləndiriblər.

Ulduzlardan Pupo, Mariya Fiordaliso mahnıları səsləndirməklə yanaşı, gələn qonaqlarla söhbət etməyi də unutmayıblar. Tamaşaçılar da ifalarını onlarla birlikdə səsləndiriblər.

    Gecənin ən maraqlı məqamlarındna biri isə İtaliyanın ən məşhur müğənnilərindən biri olan Toto Kutunyonun “Sarı gəlin” xalq mahnımızı Azərbaycan dilində ifa etməsi olub. Ifaçının bu jesti tamaşaçılar tərəfindən gurultulu alqışlarla qarşılanıb.

    “San Remo” ulduzları konsertdən aldıqları qonorarın bir hissəsinin Heydər Əliyev Fonduna bağışlanacağını bildiriblər.

 

Sahilə Aslanova

 

Muz-Tv.az