Türkiyəli müğənni Özcan Dəniz Bakıda

Türkiyəli müğənni Özcan Dəniz Bakıya gəlib.  Məşhur müğənnini hava limanında jurnalistlər qarşılayıb. Mühafizəçilər ifaçıdan müsahibə almaq istəyən media...

   Türkiyəli müğənni Özcan Dəniz Bakıya gəlib.  Məşhur müğənnini hava limanında jurnalistlər qarşılayıb. Mühafizəçilər ifaçıdan müsahibə almaq istəyən media nümayəndələrinə mane olmağa çalışıb. Amma buna baxmayaraq müğənni qısa da olsa açıqlama verərək Bakıya çox rahat şəkildə gəldiyini deyib. “Su və atəş” filminin Bakıda keçirilən qala gecəsində iştirak etmək üçün Azərbaycana gələn Özcan filmin burada da seviləcəyinə inandığını söyləyb. Daha sonra hər kəsi filmi izləməyə dəvət edən Özcan avtomobilinə minərək hava limanından uzaqlaşıb.

   Qeyd edək ki, müğənninin Bakıya gəlişinin səbəbi rejissorluğunu etdiyi “Su və atəş” filminin qala gecəsində iştirak etməkdir. Nizami Kino Mərkəzində keçiriləcək gecədə müğənni həm də  baş rolunu ifa etdiyi filmi azərbaycanlı sevənləri ilə birlikdə izləyəcək. 

 

Fuad Oqtayoğlu

Bəxtiyar Nəsirov

 

Muz-Tv.az