Castin Biber sənətdən gedəcəyini açıqladı

Castin Biber növbəti albomunu təqdim etdikdən sonra sənətdən gedəcəyini açıqlayıb. Bu barədə sənətçi radiolardan birinə verdiyi müsahibədə deyib.

   Castin Biber növbəti albomunu təqdim etdikdən sonra sənətdən gedəcəyini açıqlayıb. Bu barədə sənətçi radiolardan birinə verdiyi müsahibədə deyib. Planları haqqında danışan Biber bu sahədən çıxıb getmək istədiyini söyləyib. “Yeni albomdan sonra getmək istəyirəm. Fasiləyə ehtiyacım var. Məncə, musiqidən həmişəlik gedəcəyəm” –deyə ifaçı bildirib. Castin müxbirin albomla bağlı suallarına isə cavab verməkdən imtina edib.

   Ana olmağa hazırlaşan 8 aylıq hamilə Məryəm Üzərli yeni şəkillərini Facebook-da paylaşıb. Fotoqraf dostu Urban Rutsun kamerası qarşısına keçən aktrisa şəklin altına “Mənim rejissorum Tanrıdır” yazıb. Xatırladaq ki, Üzərli “Möhtəşəm yüz il” serialından ayrıldıqdan sonra Almaniyada yaşamaq qərarına gəlib.

   Britaniyalı müğənni Corc Mayklın sənətdən getməsi haqqında şayiələr yayılmışdı. Ulduz bu iddialara özünəməxsus şəkildə cavab verərək rəsmi saytında 2014-cü ildə reallaşdıracağı planlarını yayımlayıb. Sənətçinin tezliklə dünya turu haqqında elan verəcəyi ehtimal olunur. Xatırladaq ki, Mayklın son “White Light” sinqlı 2012-ci ildə işıq üzü görüb.

   Türkiyəli aktrisa Hazal Kayanın baş rollarından birini  ifa etdiyi  "A. Ş. K" serialı sona çatır. Ekran işini çəkən "Gold Film" Tvitter səhifəsində açıqlama verib: "Bizi dəstəkləyənlərə təşəkkür edirik. "A. Ş. K" serialı 13-cü bölümü ilə ekranlara vida edəcək". Qeyd edək ki, filmdə Hazal Kaya ilə birlikdə aktyor Hakan Kurtaş və Aslı Tandoğan da rol alıb.

 

Sahilə Aslanova

 

Muz-Tv.az