Xalq artisti gələn təklifə “yox” dedi
Xalq artisti Nazpəri Dostəliyeva Yeni il gecəsi səhnəyə çıxmaqdan imtina edib. Bu haqdamüğənninin prodüseri Mikayıl Hüseynov məlumat verib.
Xalq artisti Nazpəri Dostəliyeva Yeni il gecəsi səhnəyə çıxmaqdan imtina edib. Bu haqda müğənninin prodüseri Mikayıl Hüseynov məlumat verib. Onun sözlərinə görə, N.Dostəliyevaya Qubada fəaliyyət göstərən istirahət mərkəzlərindən birindən təklif gəlib: “Nazpəri xanıma külli miqdarda pul təklif olunub. Amma o, Yeni il gecəsi heç bir məclisdə, şou proqramda çıxış etmir. Buna görə də təklifdən imtina etdi. Bayramı ailəsi ilə birlikdə bağ evində keçirəcək. Oğlanları Yeni il gecəsi xalq artistinə maraqlı hədiyyə hazırlayıb. Yanvarın 1-də isə xaricə istirahətə yollanacaq".
Bu gün rəqqasə Oksana Rəsulovanın ad günüdür. Axşam.az-a açıqlama verən sənətçi doğum gününü təmtəraqla qeyd etməyəcəyini bildirib. Təəssüratlarını bölüşən Oksana gecəyarısından təbriklər aldığını bildirib: “Dünən gecədən mənə əziz olan insanlardan təbriklər alıram. Rəfiqələrim hədiyyələr göndərir. İlk təbrik edən isə çox istədiyim yaxın rəfiqəm oldu. Hələ də mesaj yazan, zəng vuranlar var. Ötən il təntənəli qeyd etdim. Bu dəfə heç bir məclis olmayacaq. Valideynlərim, bibilərim gələcək. Ailəmlə, mənə əziz olan insanlarla birlikdə evdə olacağam”.
Müğənni Azəri qızı Günel imicini yenidən dəyişib. Hər zaman sarı saçları ilə görünən sənətçi bu dəfə onları qara rəngə boyayıb. Yeni imici ilə fotolarını İnstaqramda paylaşan Günelin bu görünüşü maraqla qarşılanıb.
Müğənni İradə İbrahimova Yeni ili Bakıda keçirməkdən imtina edib. Yerli telekanalların birində yayımlanan verilişə canlı telefon bağlantısı ilə qoşulan sənətçi həyat yoldaşının Bakıya gəlmək təklifinə "yox" dediyini söyləyib: “Ceyhun təklif etdi ki, Yeni ili Bakıda keçirək, amma istəmədim. Dedim, burada bir müğənninin konsertinə gedib ona qulaq asarıq. Hətta israr etdi ki, bütün məşhurlar Azərbaycanda olacaq. Bayramı burada qeyd etmək istəyirəm. Ona görə də Ceyhunun təklifi ilə razılaşmadım”.
Sərvər Mehdiyev
Muz-Tv.az