Özcan Deniz yeni filminin qala gecəsini keçirdi

Türkiyəli müğənni, rejissor və aktyor Özcan Dənizin “Su və atəş” filminin premyerası keçirilib. 

   Türkiyəli müğənni, rejissor və aktyor Özcan Dənizin “Su və atəş” filminin premyerası keçirilib. Məşhur gecəyə filmin baş rol ifaçılarından biri Pelin Akkıl və Burcin Birbenlə qatılıb. Daha sonra qırmızı xalıdan keçən məşhurlar filmə bir daha baxmaq üçün izləmə zalına keçiblər. “Su və Atəş” filmi şərqin qanunlarından uzağa qaçan Həşmət və həyatın pis gerçəklərindən xəbərsiz olan, saf  Yağmurun mümkünsüz sevgi hekayəsindən bəhs edir. Ekran əsərində qan davası da önə çıxarılıb. Ayaz sülaləsinin böyük oğlu olan Həşmət barış üçün getdiyi toplantıda vurulur və özünü qorumaq üçün düşmən ailənin rəisini öldürməyə məcbur olur. Təyyarədə olarkən uçuş qorxusundan əlindən tutan Yağmur onun həyat axışını tam dəyişir. Filmin rejissoru və aktyoru Özcan Deniz aktrisa Pelin Akkıl və aktyor Burcin Birben ekran əsərini izlədikdən sonra səhnəyə qalxıblar. Kinonun digər əsas qəhrəmanı aktrisa Yasemin Allen xarici ölkənin vətəndaşı olduğu üçün Azərbaycana gəlməkdə müəyyən problemlər yaşayıb.

   Ardınca jurnalistlərin suallarını cavablandırmaq üçün aktyorlar mətbuat konfransı keçirdi. Daha çox keçmiş türk filmlərində qan davası önə çıxırdısa, nədənsə müasir ”Su və Atəş”də də hadisələr belə cərəyan edib. Filmin digər qəhrəmanı Pelin xanım rejissor və aktyor  kimi çıxış edən Özcan Denizin çəkiliş zamanı kaprizli olub-olmamasından söz açıb: “Baxmayaraq ki, Özcan filmin rejissoru idi, amma kaprizli deyildi. Eyni zamanda filmdə rol alırdı deyə, bizi də başa düşməkdə çətinlik çəkmirdi. Onunla eyni filmdə oynamaqdan böyük zövq aldım. Gələcəkdə birgə layihələrimizin olacağına ümid edirəm”.

   Qeyd edək ki, “Ya sonra” filminin ikinci hissəsi üzərində işləməyə başladığını deyən türkiyəli müğənni yenə də aktrisa Dəniz Çakırla kamera qarşısına keçəcək.

 

Sevda Məmmədova

Ramal Gülməmmədov

 

Muz-Tv.az