Sinan Akçıl İtaliyada sevgilisi ilə kameralara yaxalandı

Türkiyəli model Ebru Şallı ilə musiqiçi Sinan Akçılın 3 aydır gizli yaşadığı eşq münasibətləri nəhayət sübut edilib. Cütlük ilk dəfə İtaliyada kameralara tuş gəlib. 

   Türkiyəli model Ebru Şallı ilə musiqiçi Sinan Akçılın 3 aydır gizli yaşadığı eşq münasibətləri nəhayət sübut edilib. Cütlük ilk dəfə İtaliyada kameralara tuş gəlib. 2 həftə əvvəl cib telefonu ilə çəkilən şəkillərdə Şallı ilə Akçılın bir kafedə yemək yediyi görülür. Sevgililər daha sonra Milan küçələrində əl-ələ gəziblər. Xatırladaq ki, cütlük tez-tez xaricdə görüşdükləri iddialarını qəti şəkildə yalanlayırdılar.

   Madam Tüssonun Hollivud muzeyində daha bir ulduzun mum heykəli təqdim edilib. Bu dəfə bu şərəfə Selena Qomes layiq görülüb. Müğənninin heyranlarının fikrincə, mum fiquru orijinalına o qədər bənzəyir ki, onu asanlıqla Selena ilə səhv salmaq olar.

   Türkiyəli müğənni Sərtap Erenerin qardaşı Sərdar Erenerlə evli olan Nil Karaibrahimgil oğlan anası olacağını açıqlayıb. İstanbul küçələrində gəzərkən kameralara tuş gələn sənətçi verilən suallara gülümsəməklə kifayətlənib. Sadəcə övladının oğlan olacağını bildirən Nil indidən sağlamlığına ciddi şəkildə diqqət etdiyini də vurğulayıb.

   Hər kəs, xüsusilə aktyorlar “Oskar” mükafatlandırma mərasimini səbirsizliklə gözləyirlər. Ulduzlar həyəcanlarını heyranları ilə bölüşmək məqsədilə kiçik bir treyler çəkmək qərarına gəliblər. Kinosevərlər tərəfindən maraqla qarşılanan video çarxda bir çox məşhur rol alıb.

 

 

Sahilə Aslanova

 

Muz-Tv.az