Çingiz Mustafayev Yeni ili bu ölkədə keçirəcək

Müğənni Çingiz Mustafayev Honq Konqa gedir. Axşam.az-ın məlumatına görə, sənətçinin səfərinin məqsədi orada konsert verməkdir.

    Müğənni Çingiz Mustafayev Honq Konqa gedir. Axşam.az-ın məlumatına görə, sənətçinin səfərinin məqsədi orada konsert verməkdir. Bu haqda müxbrimizlə söhbət edən Çingiz yanvarın 2-də yola düşəcəyini bildirib: “Orada çox az sayda azərbaycanlı var. Onların qarşısında konsert proqramı ilə çıxış edəcəyəm. Gecədə mənimlə yanaşı, digər ölkələrdən olan müğənnilər də mahnılar səsləndirəcək. Bundan əvvəl isə Yeni il günü Rusiyaya yollanacağam. Oradan aldığım təkliflərdən birini qəbul etmişəm”. 2014-cü il planlarından söz açan Çingiz solo konsert verəcəyini və əməkdar artist Tünzalə Ağayeva ilə duet oxuyacağını deyib.

    Müğənni Elton Hüseynəliyev burun əməliyyatı keçirib. Əməliyyatı uğurlu alınan sənətçi artıq xəstəxanadan buraxılıb. Ev şəraitində dincələn Eltonun əməliyyatdan sonrakı ilk fotosunu təqdim edirik. Qeyd edək ki, E. Hüseynəliyevin prodüseri Anar Mədətov sənətçinin burnunda nəfəsalma ilə bağlı problem olduğunu və buna görə əməliyyat etdirdiyini bildirib.

    Xalq artisti Brilliant Dadaşova yeni mahnısını dinləyicilərin ixtiyarına verib. Sözləri müğənninin özünə, musiqisi Cavid Cavadoğluna məxsus olan bəstə "Parij London" adlanır.

Sənətçinin prodüseri Hüseyn Cavadzadə tezliklə mahnının klipinin də hazır olacağını bildirib:"Əslində, mahnının yeni ildən sonra videokliplə təqdim olunması düşünülmüşdü. Hətta bir neçə gün ərzində rəqs qrupu mahnıya rəqs qurmaqla məşğul idi. Amma gözlənilmədən qeyri-müəyyən yollarla musiqinin saytların birində çıxması planlarımızı dəyişdi. Ona görə də "Parij London"un ən son keyfiyyətli versiyasını dinləyicilərə təqdim edirik".

    Əməkdar artist Elza Seyidcahan yeni fotosessiya etdirib. Müğənni bu dəfə də qeyri-adi saç düzümü ilə fərqlənib. Elza Seyidcahanın fotolarını təqdim edirik. 

 

Fuad Oqtayolu

 

Muz-Tv.az