Nadir Qafarzadə filmə çəkilir

Əməkdar artist Abbas Bağırovun məşhur futbolçu Karlos Tevez və Paul Poqba ilə fotosu yayılıb. Müğənni “Yuventus”lu futbolçularla İstanbulda çəkdirdiyi...

   Əməkdar artist Abbas Bağırovun məşhur futbolçu Karlos Tevez və Paul Poqba ilə fotosu yayılıb. Müğənni “Yuventus”lu futbolçularla İstanbulda çəkdirdiyi şəkli İnstaqramda paylaşıb. Əməkdar artistin həmin fotosunu təqdim edirik.
   Müğənni Xatirə İslam bir müddətdir Neftçilər xəstəxanasında müayinə olunan xalq artisti İlhamə Quliyevaya baş çəkib. Sənətçi ilə birlikdə həyat yoldaşı Fəxrəddin də xəstəxanaya yollanıb. Xalq artistinə böyük tort hədiyyə edən Xatirə sənətçi ilə birgə foto çəkdirib. Həmin gün İlhamə Quliyevanı ziyarət edənlər arasında əməkdar artist Nüşabə Ələsgərli, müğənni Mənzurə Musayeva da olub. Xatirə xalq artistinə can sağlığı arzulayıb: “Allah gözəl sənətkarımızı bizə çox görməsin. Gəlin hamımız mehriban olub, can deyib can eşidək. Böyük-kiçik yeri bilənin ruzisi başından tökülər. İnanın, Allah hər işimizdə bizə uğur gətirəcək. Gəlin özümüzdən böyüklərə hörmət qoyaq”. 

    Müğənni Nadir Qafarzadə özünü aktyor kimi sınayacaq. Bu haqda rejissor Nail Naiboğlu SİA-ya məlumat verib:  “Yataq otağının pəncərəsi” adlı ekran işi üçün baş rolda nəzərdə tutulan qəhrəmanlardan biri Nadirdir. Digəri isə qardaş ölkənin aktyorudur. Hələ ki, adını açıqlamayacam. Onu da deyim ki, iki ildir, bu ssenari üzərində işləyirəm. Nəhayət, çəkilişlərə başlamaq qərarına gəldim. Film melodramadır. Çox maraqlı ekran işi olacaq”. Qeyd edək ki, N.Naiboğlu filmdə çəkilmək üçün qız axtarışına çıxıb. O, istədiyi kimi baş rol qəhrəmanı tapmaq üçün kastinq keçirəcəyini bildirib. 

 

Sevda Məmmədova

 

Muz-Tv.az