Emin Ağalarov Yeni il yarmarkasında
“Nargis” jurnalının təşkilatçılığı ilə fəvvarələr meydanında “Soyuq əllər, isti ürək” şüarı altında təşkil olunan Yeni il yarmarkasının rəsmi bağlanış mərasimi reallaşıb...
“Nargis” jurnalının təşkilatçılığı ilə fəvvarələr meydanında “Soyuq əllər, isti ürək” şüarı altında təşkil olunan Yeni il yarmarkasının rəsmi bağlanış mərasimi reallaşıb. Gecəyə “Nargis” jurnalının baş redaktoru Ülviyyə Rəhmanova, professor Nərgiz Paşayeva və həmçinin özəl qonaq qismində Rusiyanın məşhur “Buro 24/7” saytının rəhbəri Miroslava Duma da qatılıb. Xeyriyyə məqsədi daşıyan yarmarkada lotoreya oyunu keçirilib. Qaliblər isə Dubaya səyahət və bəstəkar-ifaçı Emin Ağalarovun konsertinə 2 bilet qazanmaq imkanı əldə ediblər.
Gecənin maraqlı sürprizlərindən biri isə o olub ki, bəstəkar-ifaçı Emin Ağalarov Yeni il yarmarkasına təşrif buyurub. O da öz növbəsində qarşıdan gələn Yeni il bayramı münasibəti ilə hər kəsi təbrik edib. Sonda onu da bildirək ki, “Nargis” jurnalının təşkilatçılığı ilə bu tip yarmarkalar hər il keçiriləcək.
Sərvər Mehdiyev
Vüsal Həşimov
Muz-Tv.az