Məşhur aktyorların gizli sevgiləri üzə çıxdı

“Günəşi beklerken” serialının baş rol ifaçısı Handə Doğandəmir sevgilisi Okan Yalabıkla ilk dəfə kameralara tuş gəlib. 

   “Günəşi beklerken” serialının baş rol ifaçısı Handə Doğandəmir sevgilisi Okan Yalabıkla ilk dəfə kameralara tuş gəlib. “Möhtəşəm yüz il”də “Parqalı İbrahim” obrazını canlandıran aktyorla 5 aydır gizli eşq yaşayan Handə nəhayət, etiraf etməli olub.  Aktrisa şəkilləri çəkilərkən üzünü gizlətməyə çalışıb. Yalabık isə onu görüntüləyən müxbirdən: “Siz hardan çıxdınız?” deyə soruşub.

    Beyons heyranlarını sevindirməkdə davam edir. Yeni albom təqdim edən ulduz fərqli reklam üsulu fikirləşib. Belə ki, dekabrın 20-də Massaçusetsin məşhur marketlərindən birinə daxil olan müğənni alış-veriş etməyə başlayıb. Ulduzu tanıyan insanlar onu əhatəyə alıblar. Mikrofonu alaraq hər kəsi Milad bayramı münasibəti ilə təbrik edən Beyons onlara 50 dollarlıq kupon hədiyyə edib. Marketdə həmin vaxt 720 alıcı olduğunu nəzərə alınarsa, Beyonsun yeni albomunun reklamı üçün 37500 dollarından keçdiyini demək olar.

    Məşhur “Forsaj” filminin 7-ci hissəsi 2015-ci il aprelin 10-da işıq üzügörəcək. Bu barədə ekran əsərinin baş rol ifaçısı Vin Dizel Facebook səhifəsindən məlumat verib. “Polla birgə rol aldığımız son səhnədir. Bu, çox gözəl duyğudur. Film demək olar ki, bitib. Yeni “Forsaj”-ı 2015-ci ildə görəcəksiniz” –deyə Vin yazıb. Xatırladaq ki, “Forsaj” filminin digər başrol ifaçısı Pol Uoker noyabrın 30-da avtomobil qəzasında həlak olub. Aktyorun vəfatından sonra filmin taleyi sual altında qalmışdı.

    Tom Krusla evliliyini nöqtələdikdən sonra tənha ana olaraq həyatına davam edən Keti Holms 35-ci doğum gününü qeyd edib. Bu özəl gününü Nyu Yorkun məşhur restoranlarından birində keçirən aktrisa sevincini heyranları ilə bölüşüb. Masasındakı şirniyyatın şəklini çəkib Twitter-də paylaşan ulduz fotonun altına “Mötəşəm gün” yazısını qeyd edib.

 

Sahilə Aslanova

 

Muz-Tv.az