Murat Boz Bakıda konsert verəcək

Türkiyənin tanınmış müğənnisi Murat Boz Bakıda konsert verəcək. Axşam.az-ın məlumatına görə, konsert martın 17-18-də Heydər Əliyev Sarayında baş tutacaq...

   Türkiyənin tanınmış müğənnisi Murat Boz Bakıda konsert verəcək. Axşam.az-ın məlumatına görə, konsert martın 17-18-də Heydər Əliyev Sarayında baş tutacaq. Biletlərin qiyməti 30-290 manat arasında dəyişir. Qeyd edək ki, bu, Murat Bozun Bakıda ilk çıxışı olacaq. Sənətçi 2012-ci ilin mart ayında Bakıda konsert verməyi planlaşdırsa da, tədbir baş tutmamışdı.

    Xalq artisti Brilliant Dadaşovanın yeni ifa etdiyi “Paris London” mahnısının klip çəkilişləri təxirə salınıb. Video çarxın çəkilişləri 2014-cü ilin ilk ayında baş tutacaq.  Mahnının ekran işi ilə birgə təqdim olunması planlaşdırılsa da, o, qeyri-müəyyən mənbə tərəfindən internetə yüklənilib və yayılıb. Brilliant Dadaşova bəstəni televiziya kanallarının Yeni il proqramlarında ifa edəcəyini bildirib: "Kimisə günahlandırmaq istəmirəm. Amma mahnı artıq saytlarda olandan sonra onu kliplə təqdim etməyin mənası qalmadı, ona görə radiolara verdik. Yeni il proqramlarında da bunu oxuyacağam”.  Qeyd edək ki, bəstəkar Cavid Cavadoğlunun yazdığı mahnının sözləri xalq artistinin özünə məxsusdur.

   Müğənni Röya Ayxan oğlu Hüseynin bayram şənliyinə qatılıb.  Sənətçi oğlu ilə çəkdirdiyi fotonu İnstaqramda paylaşıb. Müğənni Elnur Məmmədov xarici şou-biznesə qatılmamasının səbəbini açıqlayıb.  Sənətçi özünü yalnız vətənində rahat hiss etdiyini bildirib: “Mənə öz vətənim rahatdır. Xarici şou-biznesə qatılmaq çətindir. Düzdür, Türkiyədə mahnılar yazdırır, aranjiman etdirirəm. Amma oranın şou-biznesinə qatılmaq qəliz məsələdir”.  Yeni ili səhnədə qarşılamağa hazırlaşan Elnur iki gün ailəsi ilə bayram edəcəyini bildirib.

 

Sahilə Aslanova

 

Muz-Tv.az