Ancelina Coli tanınmaz hala düşdü

Rejissoru olduğu “Unbroken” filminin çəkilişləri üçün bir müddət Avstraliyada yaşayan Hollivud ulduzu Ancelina Coli istirahət etmək qərarına gəlib. 

   Rejissoru olduğu “Unbroken” filminin çəkilişləri üçün bir müddət Avstraliyada yaşayan Hollivud ulduzu Ancelina Coli istirahət etmək qərarına gəlib. Elə Sidney hava limanında övladları ilə tətilə çıxarkən kameralara tuş gələn aktrisa görüntüsü ilə hər kəsi şok edib. Belə ki, həddən artıq arıqlayan və xəstə halı ilə diqqət çəkən Colinin bu vəziyyəti görənləri heyrətləndirib.

   Star Tv ekranlarında yayımlanan “Mənim hələ ümidim var” serialı Fox Tv-yə transfer olunub. Sözügedən kanalda istənilən reytinqi ala bilməyən ekran əsəri nəhayət yayımlandığı ünvanı dəyişmək qərarına gəlib. Baş rollarını Gizəm Karaca, Şükrü Özyıldız və Bərk Oktayın paylaşdığı serial yeni ildən Fox Tv tamaşaçılarının evlərinin qonağı olacaq.

   Əfsanəvi “Dostlar” serialı tammetrajlı film kimi yenidən fanatlarını sevindirəcək. Layihənin reallaşması üçün yalnız Cennifer Enistonun razılığına ehtiyac var. “Warner Bros.” studiyası filmi 2014-cü ildə ekranlaşdıqmaq fikrindədir. Hazırda məşhur sitkomun ulduzlarından olan Enistonla danışıqlar davam edir. Serialın digər ulduzları Kortni Koks, Liza Kurdrou, Mett LeBlan, Mettyu Perri və Devid Şvimmer artıq layihədə iştiraklarını təsdiqləyiblər. Xatırladaq ki, 1994-cü ildə üşıq üzü görən “Dostlar” serialı 2004-cü ilədək davam edib. Gələn il sitkom 20 illiyini qeyd etməyə hazırlaşır.

   Filipp Kirkorov “Mənim xoşbəxtliyim” mahnısına çəkilən yeni klipini təqdim edib. Video çarxda Hollivud ulduzu Şeron Stounun rol alması xüsusilə diqqət çəkib. Kompozisiya “Böyük şəhərdə məhəbbət” filminin saundtrekidir. Mahnının müəllifləri İqor Krutoy və İqor Nikolayevdir. Klipdə filmdən ən maraqlı səhnələr yer alıb.

 

Sahilə Aslanova

 

Muz-Tv.az