Selena Qomez daha oxumayacaq

Dünyaca məşhur müğənni Selena Qomez keçmiş sevgilisi Castin Biber kimi musiqi karyerasına bir müddət fasilə vermək qərarına gəlib. 

    Dünyaca məşhur müğənni Selena Qomez keçmiş sevgilisi Castin Biber kimi musiqi karyerasına bir müddət fasilə vermək qərarına gəlib. Ulduz verdiyi açıqlamada 2014-cü ildə başlayacaq turnesinin bir hissəsini də təxirə saldığını deyib. Özünə daha çox zaman ayırmaq istədiyini söyləyən Selena ailəsinin yanına gedib. Anası, ögey atası və yeni doğulan bacısı ilə vaxt keçirən Qomez şəkillərini sosial şəbəkədə də paylaşmağı unutmayıb.

    Məşhur müğənni Robbi Uilyams başına saç əkdirdikdən sonra, indi də liposaksiya etdirmək qərarına gəlib. Ulduz bu əməliyyatı gələn il 40 yaşı tamam olduqdan sonra reallaşdıqmaq fikrindədir. “Mən hər şeyi etdirmək istəyirəm: üz dartdırmaq, buxağımın korrektə edilməsi, liposaksiya. Orta yaş böhranı haqqında fikirlər məni rahat buraxmır” –deyə ifaçı “The Sun” portalına müsahibəsində bildirib.

     Məşhur müğənni Beyons tezliklə heyranlarınıyenidən sevindirəcək. Belə ki, sənətçi 2014-cü ildə yeni ətrini təqdim etməyə hazırlaşır. Albomunun reklamı ilə aktiv məşğul olmasına baxmayaraq, ifaçı biznes layihələrinə də vaxt ayırmağa çalışır. O, fevral ayında “Rise” adlı yeni ətrini sevənlərinin ixtiyarına verəcək. Çox zərif qoxusu olan parfümün böyük diqqət görəcəyi söylənilir. 

     Məşhur amerikalı müğənni Kris Braun Kaliforniyadakı evini satmaq qərarına gəlib. Mənzilin dəyəri 1,92 milyon dollar olaraq qiymətləndirilir. 4 mərtəbədən ibarət ev 300 kvadrat metrdir. Mülkə lift, dəniz suyu ilə dolu hovuz da daxildir.

 

Sahilə Aslanova

 

Muz-Tv.az