Tuba Büyüküstün Twitteri alt-üst etdi

Tuba Büyüküstün Twitter-də paylaşdığı bir şəkillə diqqətləri üzərinə çəkə bilib. Belə ki, 2 yaşlı əkiz körpələrindən Maya ilə çəkdirdiyi foto sosial mediada böyük...

   Tuba Büyüküstün Twitter-də paylaşdığı bir şəkillə diqqətləri üzərinə çəkə bilib. Belə ki, 2 yaşlı əkiz körpələrindən Maya ilə çəkdirdiyi foto sosial mediada böyük marağa səbəb olub. Məşhur aktrisanın qızını öpərkən çəkilən şəkil qısa müddətdə heyranları arasında yayılıb. Əcnəbi fanatları da “Ən gözəl ana” şərhi yazıblar. Xatırladaq ki, Tuba Büyüküstün rol aldığı “20 dəqiqə” serialı bitdikdən sonra bir müddət istirahət etmək qərarına gəlmişdi.

   Fransız Paris Premiere kanalı dünyaca məşhur model Keyt Mossun həyatı haqqında “Looking For Kate'” adlı sənədli film çəkib. Ulduzun 40-cı doğum günü şərəfinə çəkilən ekran əsərində Mossun 14 yaşında başladığı modellik karyerasından Conni Depplə yaşadığı eşq münasibətlərinə qədər bir çox həqiqət yer alıb.

   Alişan bütün gəlirini saata sərf edir. Belə ki, müğənni son altı ayda saatları üçün 100 min avro xərcləyib. 40 min avroluq qol saatı alan Alişan dərhal eyni markanın  qızıl suyuna çəkilmiş modelinə də 50 min avro ödəyib. Müğənni ilin son günündə də 9 min 800 avroya yeni bir saat alıb.

   Eşton Katçer və Mila Kunisin sevgi münasibətləri bütün söz-söhbətlərə baxmayaraq hələ də davam edir.  Yaxın zamanda evlənəcəkləri deyilən aktyorlar Los Ancelesdə “Lakers”-in oyununu izləyiblər. Oyun ərzində bir-birləri ilə zarafatlaşıb öpüşən cütlük ətrafdakılara fikir verməyib.

 

Sahilə Aslanova

 

Muz-Tv.az