Röya: “Onlara müğənni desəm, ayıb olar”

Röya Ayxan bu dəfə Azərbaycan toylarından danışıb. Bəzi müğənnilərin el şənliklərində yuxarıdan aşağı baxmalarına Röyadan cavab gəlib: “Mən müğənnilər...

   Röya Ayxan bu dəfə Azərbaycan toylarından danışıb. Bəzi müğənnilərin el şənliklərində yuxarıdan aşağı baxmalarına Röyadan cavab gəlib: “Mən müğənnilər görmüşəm, ayıb olar onlara müğənni desəm. İncəsənətdə fəaliyyət göstərən ifaçılar var deyiblər ki, biz heç vaxt toya getmərik. Amma elə vəziyyətə düşüblər ki, onlar bundan qazanc əldə ediblər.Mən Azərbaycan toylarını çox sevirəm və başqa ölkələrdə bizim toylarımızı müzakirə edirlər. Hansısa ulduz o şəraitdə konsert verirsə, bizim toylarımız elə gedir”.

   El şənliklərinin müzakirə edilməsinə səbəb isə Röyanın həmkarı Zamiq Hüseynovla birgə məclislərdə çıxış etmələri və yepyeni dueti olub.

Oğlunun doğum gününə görə qardaş ölkədə məşhur “Beyaz show” verilişinə qatıla bilmədiyi üçün Röya yenidən həmin proqrama dəvət alıb. Müğənninin sözlərinə görə, həmin verilişə Soner Sarıkabadayı ilə qatılacaq.

   Nəzərinizə çatdıraq ki, yanvarın 29,  30 və 31-i Heydər Əliyev Sarayında saat 19:00-da müğənninin üç günlük möhtəşəm konserti gerçəkləşəcək.

 

Sevda Məmmədova

Ramal Gülməmmədov

 

Muz-Tv.az