Röya və Samir Cavadzadədən yeni duet

Samir Cavadzadə sənət fəaliyyətində irəliləyişlər olmamasının günahını vaxtı ilə qatıldığı “Avroviziya” mahnı yarışmasında görüb.

    Samir Cavadzadə sənət fəaliyyətində irəliləyişlər olmamasının günahını vaxtı ilə qatıldığı “Avroviziya” mahnı yarışmasında görüb. Baxmayaraq ki, həmin müsabiqədə Azərbaycana birincilik gətirdikdən sonra məşhurlaşan Eldar və Nigar hələ də fəaliyyət göstərirlər. Müğənni özü gündəmdə olmasa da, onların uğuruna sevindiyini söyləyib: “ Bu əgər mənim içimdən gəlmirsə, nəyəsə görə oxumayacağam. Üzdə qalmaqdan ötəri mən yalandan heç nə etməyəcəm. Unudulmaqdan qorxmuram”.

Amma ataların “Yatdın, batdın” məsəlini Samirə şamil etmək olmaz. Çünki onu qış yuxusundan çox yaxın dostu və həmkarı Röya oyadacaq. Cütlükdən yaxın zamanda yeni duet gələcək. Röyanın sözlərinə görə, mahnının bəstəsi Pərviz Mahmudova aiddir. Şıltaq ulduzumuzun ayağı düşərli olub. Çünki Cavadzadə yaz ayının sonlarında mini konsert verəcəyini deyib.

   Nəzərinizə çatdıraq ki, Samir Niyaməddin Musayevin “Dünya sənin, dünya mənim” mahnısını yeni aranjemanda və tam fərqli şəkildə ifa edəcəyini deyib.

 

Sevda Məmmədova

Ramal Gülməmmədov

 

Muz-Tv.az