71-ci “Qızıl Qlobus” mükafatları sahiblərinə təqdim edildi

Yanvarın 12-də Beverli Hillsdə 71-ci “Qızıl Qlobus” mükafatlandırma mərasimi baş tutub. Tədbir artıq klassikləşən “qırmızı xalı” mərasimi ilə başlayıb.  

   Yanvarın 12-də Beverli Hillsdə 71-ci “Qızıl Qlobus” mükafatlandırma mərasimi baş tutub. Tədbir artıq klassikləşən “qırmızı xalı” mərasimi ilə başlayıb.  Gecədə “Komediya müzikl” kateqoriyasında “Ən yaxşı kişi aktyor” mükafatına “The Wolf of Wall Street” filmindəki rolu ilə Leonardo Di Kaprio layiq görülüb. “Breaking bad” və “Brooklyn Nine-Nine” serialları mərasimdə ən çox mükafat alan ekran işləri kimi gecəyə damğa vurublar. “Behind the Candelabra” televiziya filmi ilə Maykl Duqlas da “Qızıl qlobus”la təltif edilib. Mərasimdə “Cecil B. DeMille” adına şərəf mükafatı Vudi Allena təqdim edilib.

   Türkiyənin “Star Tv” kanalında yayımlanan “Medcezir” serialının baş rol ifaçıları Serenay Sarıkaya ilə Çağatay Ulusoy 1 ay əvvəl sevgi münasibətlərinin olduğu açıqlamışdılar. Sevgililərin serialın çəkildiyi Tuzlada villa kiraladığı iddia edilib. Mənzilin 4 min lirəlik kirayəsini Çağatay Ulusoyun ödədiyi bildirilib.

   Məşhur Hollivud fotomodeli və aktrisası Pamela Anderson keçmiş həyat yoldaşı Rik Salomonla yenidən evlənib. Şənbə günü Şon Pennin ənənəvi xeyriyyə gecəsinə qatılan  kanada mənşəli aktrisanın barmağındakı nişan üzüyü hərkəsin diqqətini cəlb edib. Müxbirin ailə həyat qurması ilə bağlı sualına Pamela təsdiq cavabı verib. Xatırladaq ki, Anderson 2007-ci ildə Salomonla nikah masasına əyləşsə də, onların evliliyi sadəcə 2 ay davam etmişdi.

    Rodriqo Ruiz adlı bir müğənni, Cennifer Lopezin ona təcavüz etdiyi iddiası ilə ulduzu məhkəməyə verib. Ərizədə Lopezin ona 3 dəfə məktub yolladığını və çılpaq fotolarını göndərdiyi qeyd edilib. Ruizin iddiasına görə, Lopez: “Səni tanıyıram. Ərimi sənə görə tərk etmək istəyirəm. Amma hələlik bundan artıq heç nə yaza bilmirəm. Mənə şəkillərini göndər” –yazıb. Bu hadisədən sonra narahat olan Rodriqo Ruiz Lopez haqqında polisə şikayət edərək 10 min dollarlıq təzminat məhkəməsi tələb edib.

 

Sahilə Aslanova

 

Muz-Tv.az