Ayandan Baba Vəziroğluya sürpriz

Müğənni Ayan Babakişiyeva 60 yaşını qeyd edən Baba Vəziroğlu üçün sürpriz hazırlayıb. 

    Müğənni Ayan Babakişiyeva 60 yaşını qeyd edən Baba Vəziroğlu üçün sürpriz hazırlayıb. Axşam.az-ın məlumatına görə, sənətçinin ailəsi ötən gün restoranların birində qonaqlıq verib. Gecəyə Baba Vəziroğlunun ailəsi və Şeyx Əbdül dəvət olunub. Ayan tək sürprizin qonaqlıq olmadığını bildirib: “Baba Vəziroğlu üçün ailəmlə birlikdə sürpriz etmək istədik. Onlar üçün gözəl gecə təşkil etdik. Ailə məclisində bu günü bir yerdə qeyd edirik. Tək sürpriz qonaqlıq deyil. Eyni zamanda, Baba müəllim üçün dəyərli bir saat da aldıq”.

   İkinci dəfə ailə quran azərbaycanlı müğənni Sevinc Ağaşirinova ana olub. Bu barədə Lent.az-a ifaçının rəfiqəsi məlumat verib. O, yeni doğulmuş körpəsi haqda bunları deyib: “Hazırda özümü tam yaxşı hiss etməsəm də, övladım dünyaya gəldiyinə görə sevinirəm. Allah hər kəsə bu xoş günü nəsib etsin. Uşaq təzə olub deyə ad qoymamışıq. Hələ ad fikirləşirik, yəqin yaxınlarda bəlli olacaq”.  Körpənin çəkisi isə 3 kilo 300 qramdır. Qeyd edək ki, Sevinc Ağaşirinova bir neçə il öncə ailə qursa da, boşanıb. İkinci dəfə ailə qurduğu şəxs uzaq qohumudur.

   Müğənni Xatirə İslamın əməliyyatdan sonra burnunun ilk fotosu yayılıb. Həm plastik, həm də çəpər əyriliyi ucbatından əməliyyat etdirən sənətçinin şəklini söz yazarı və aparıcı Azər Şirin Facebook səhifəsində paylaşıb. O, fotonun  üstünə “Yeni burnu ilə ilk dəfə Xatirə İslam” yazısını yazıb.Müğənninin görünüşündə ciddi dəyişiklik olduğu da diqqətdən qaçmayıb. 

   Əməkdar artist Aygün Bəylər yenidən hər kəsi təəccübləndirib. Bir müddət öncə saçlarını kəsdirib əvvəlki imicinə qayıdan müğənni yenidən fərqli görünüşdə tamaşaçılarının qarşısına çıxıb.Belə ki, ifaçı Ramal İsrafilov İnstaqram sosial şəbəkəsində sənətçi ilə fotosunu paylaşıb. Fotoda Aygün Bəylərin yenidən papaqdan imtina etdiyi və saçlarını maraqlı formaya saldığı görünüb.

 

Sərvər Mehdiyev

 

Muz-Tv.az