Türkiyəli müğənni Bakıya gəlir

Türkiyəli pop musiqiçisi Haluk Levent Bakıda konsert verəcək. Axşam.az-ın məlumatına görə, sənətçinin konserti yanvarın 31-də  paytaxtın məşhur  restoranlarından...

   Türkiyəli pop musiqiçisi Haluk Levent Bakıda konsert verəcək. Axşam.az-ın məlumatına görə, sənətçinin konserti yanvarın 31-də  paytaxtın məşhur  restoranlarından birində  baş tutacaq.  Bir çox lirik mahnıların ifaçısı olan Haluk Levent Bakıdakı sevənləri üçün maraqlı gecə vəd edib.

    Müğənni Könül Kərimova xalq artisti Nazpəri Dostəliyevanın mahnısını oxuyub. “Haradasan” adlı mahnının sözləri Zemfira Əlişqızına, musiqisi Hikmət Aslana aiddir. Nazpəri Dostəliyeva illər əvvəl oxuduğu mahnının çox sevildiyini deyib: “Haradasan” mənim çox uğurlu, sevilən ifalarımdan biri olub. İndi də bir çox el məclislərində onu oxumağımı istəyənlər var. Mən də sevə-sevə səsləndirirəm. Bu gün də o mahnının mənim ifamda bəyənilməsinə sevinirəm. Onu deyə bilərəm ki, hər şeyin ilki gözəl olduğu kimi, mahnının da ilk ifası bəyənilən olur”. 

Nazpəri Dostəliyeva və Könül Kərimovanın ifalarını təqdim edirik.

    Namiq Qaraçuxurlu şəxsi həyatı barədə məlumat verib. Milli.Az xəbər verir ki, o özəl həyatı haqda çox danışmağı sevmədiyini deyib. Namiq nişanlanmaması barədə gəzən söz-söhbətlərə də aydınlıq gətirib: " Mən ancaq onu bildirə bilərəm ki, gələn il bunun həyata keçməsini istəyirəm.  Belə bir şey olsa, özüm açıqlama verəcəyəm ".

    Müğənni Rəqsanə İsmayılova xəstəxanalıq olub. Qar üstündə sürüşərək yıxılan sənətçinin ayağı zədələnib. Sarıqlı ayağının fotosunu İnstagram-da paylaşan Rəqsanə bunları qeyd edib: “Sürüşüb yıxıldım, ayağım əzildi. Bakıya gələnə kimi düzələcək”. Onu da qeyd edək ki, Rəqsanənin sosial şəbəkədə Anar Mədətova “Mənim prodüserim” deyə müraciət etməsi diqqətdən qaçmayıb. Müğənni Elton Hüseynəliyevdən yenicə ayrılan Anar Rəqsanə ilə işbirliyinə başlayacaq.

 

 

Sahilə Aslanova

 

Muz-Tv.az