Tünzalə Ağayeva: “Bir ildir ki, məni izləyirlər”

Türkiyə səfirliyində əməkdar artist Tünzalə Ağayeva mətbuat konfransı keçirib. Məlum olub ki, o, “TRT Müzik”  kanalında "Bir səsin cazibəsi" adlı verilişdə aparıcılıq...

   Türkiyə səfirliyində əməkdar artist Tünzalə Ağayeva mətbuat konfransı keçirib. Məlum olub ki, o, “TRT Müzik”  kanalında "Bir səsin cazibəsi" adlı verilişdə aparıcılıq edəcək. 13 həftə davam edəcək proqramda ilk qonağın kim olacağı gizli saxlanılır. Tünzalə Ağayeva şəxsi həyatından da danışıb. Gördüyünüz kimi “şou-biznesin Rihannası” bir güllə ilə tam iki quş vurmağı bacarıb. Müğənni: “ “Bir səsin cazibəsi” sözündə caz sözü var. Mən bunu konsertlərimdə də istifadə etmişəm. İstər şəxsiyyət olaraq, istər qadın sənətçisi olaraq “TRT Müzik” kanalınin istədiyi bir insanam. Onlar məni 1 ildir ki, izləyirlər və ünsiyyətdəyik”-deyib. Müğənni hətta verilişində türkcə danışacağını bildirib.

   Müsahibə zamanı müğənnimiz türk sözü də işlədib. Görünür, Ağayeva qardaş ölkənin dilinə indidən adaptasiya olub.

Müğənnidən “Xoş gəldin”ə rəqib olacaq yeni mahnı gəlir: “ Martın 1-i sözləri Mələk Xəlilə, musiqisi mənə aid olan “Hər şey yaxşı olacaq” adlı yeni mahnı təqdim edəcəyəm”.

    Tədbir zamanı Tünzalə Ağayevaya “Azərbaycan bayrağı” mükafatı da təqdim olunub. Nəzərinizə çatdıraq ki, cazibəli səslərin proqramı olacaq “Bir səsin cazibəsi” hər şənbə yerli vaxtla saat 01:00-da yayımlanacaq.

 

Sevda Məmmədova

Vüsal Həşimov

 

Muz-Tv.az