Nadir Qafarzadəyə Moskvadan duet təklifi gəldi

Müğənni Nadir Qafarzadə rusiyalı ifaçılar Jasmin və Maşadan duet təklifi alıb. 

   Müğənni Nadir Qafarzadə rusiyalı ifaçılar Jasmin və Maşadan duet təklifi alıb.  Axşam.az xəbər verir ki, o, duet ortaqlarına pul xərcləməmək üçün təklifdən imtina edib: “Rusiyadan çox təkliflər alıram. Bu yaxınlarda Jasmin və aparıcı-müğənni Maşadan duet təklifi gəldi. Amma maddi tərəfi mənim boynuma yıxdılar. Mən ağlımı itirməmişəm, pulumu çöldən tapmamışam ki, zülmlə qazandığımı Maşaya, Jasminə xərcləyəm. Bu layihə mənə heç nə verməyəcək. Ortada pulum gedəcək. Onun üçün yüz mindən çox pul xərcləyəcəkdim. Bundan sonra nə etsəm, Azərbaycanda edəcəyəm. Çünki buradan kənarda biz heç kimə lazım deyilik”. 

   Türkiyədəki mənzilini satan Nadir Qafarzadə yenidən qardaş ölkədə ev alacağını bildirib: “Mənzili alanda demişdim ki, nə vaxtsa pul lazım olsa satacağam. Evi aldığım qiymətdən baha satdım. İmkan olsa, bu il yenidən Türkiyədən mənzil alacağam”.

   Müğənni Miri Yusif növbəti mahnısını dinləyiciləri ilə paylaşıb. Sənətçi \"Biz oradayıq\" adlanan bəstəni sosial şəbəkələrdə yayımlayıb. Mahnı Miri Yusifin yeni \"Ağ qarğa\" adlı albomunda yer alır. Qeyd edək ki, Miri Yusif \"Ağ qarğa\" albomunu dekabrda verdiyi solo konserti zamanı təqdim etmişdi.

   Azəri qızı Günel media nümayəndələri ilə görüşəcək. Yeni yaradıcılıq işləri ilə əlaqədar təşkil edilən görüş yanvarın 17-də restoranlardan birində baş tutacaq.

 

Sevda Məmmədova

 

Muz-Tv.az