Hadisənin pulunu vermədilər
Müğənni Hadisə əməkdaşlıq etdiyi "Trendyol" şirkətini məhkəməyə verib. Buna səbəb kimi sənətçinin şirkətdən 250 min avro almalı olması, amma məbləğin...
Müğənni Hadisə əməkdaşlıq etdiyi "Trendyol" şirkətini məhkəməyə verib. Buna səbəb kimi sənətçinin şirkətdən 250 min avro almalı olması, amma məbləğin ödənilməməsi göstərilib. "Başqa markanın reklamını etdiyimi, bacımla işbirliyi qurduğumu və kompaniyanın tanıtımını yaxşı aparmadığımı əsas gətirərək mənimlə müqaviləni ləğv ediblər. Mən yalnız dəb və elektron alış-veriş sektoruna dair qurumlarla əməkdaşlıq etməyəcəyimi bildirmişdim. Amma daha sonra bir şokolad markasının reklamında da rol aldım. Bacımla daimi ticarət əlaqələrimiz yoxdur. Mənim adım çəkiləndə hər kəsin ağlına “Trendyol" gəlir. Yəni tanıtımın yaxşı aparılmaması düzgün iddia deyil". Qeyd edək ki, Hadisə sözügedən şirkətlə 500 min avro məbləğinə razılaşıb. Kompaniya pulun yarısını ödədikdən sonra müqaviləni ləğv edib.
Müğənni Zemfira Ramazanova aktrisa Renata Litvinovanın doğum günündə ona xüsusi hədiyyə edib. Belə ki, sənətçi “Jit v tvoey golove” adlı mahnısına çəkdirdiyi yeni klipini aktrisaya həsr etdiyini bildirib. Video çarxın rejissoru Renata Litvinovadır. Elə baş rolu da aktrisa özü canlandırıb. Xatırladaq ki, bu, Zemfira iləRenata Litvinovanın ilk işbirliyi deyil. Bundan əvvəl sənətçilər daha bir neçə klipdə əməkdaşlıq ediblər.
Rusiyalı müğənni Janna Friskenin mətbuat katibi ulduzun xərçəng xəstəliyinə yaxalanması və hazırda xəstəxanada həkim nəzarətində olması ilə bağlı xəbərlərə münasibət bildirib. Anisa Aşiku Jannanın özünü yaxşı hiss etdiyini və ailəsi ilə Mayamidə istirahət etdiyini açıqlayıb. Xanım Anisa həmçinin bu tipli şayiələri təkzib etməkdən yorulduqlarını və hüquqi yollara müraciət etməyə hazırlaşdıqlarını da qeyd edib. Onu da vurğulayaq ki, bu yaxınlardqa Rusiya mətbuatında Jannanın ağır vəziyyətdə xəstəxanaya aparıldığı və vəziyyətinin ağır olması ilə bağlı xəbərlər yayılmışdı.
Antalyada podiuma çıxan məşhur model Miranda Kerr Türkiyədə ona təqdim edilən heç bir hədiyyəni özü ilə vətəninə aparmayıb. Kerrin getdiyi ölkələrdə ona verilən hədiyyələrin qaçaq tarixi əsər ola biləcəyi, ya da içərisində narkotik maddə tapılacağı qorxusu ilə qəbul etmədiyi öyrənilib. Gözəl modelin ona göndərilən bahalı əşyaları moda həftəsində çalışan işçilərə qaytardığı məlum olub.
Sahilə Aslanova
Muz-Tv.az