Aygün Kazımova onları doğum gününə dəvət etmədi

Yanvarın 26-sı ad gününü qeyd edəcək müğənni Aygün Kazımova Aysel Əlizadə və Günay İbrahimlini tədbirə dəvət etməyib. 

   Yanvarın 26-sı ad gününü qeyd edəcək müğənni Aygün Kazımova Aysel Əlizadə və Günay İbrahimlini tədbirə dəvət etməyib. Elnur Məmmədov və Abbas Bağırov isə dəvət alsalar da, Bakıda olmayacaqları üçün gecədə iştirak edə bilməyəcəklər. Ədalət Şükürov isə hələ də təklif gözləyir: “Dəvət etsə, məmmuniyyətlə iştirak edərəm”.Ayan Babakişiyeva isə mərasimə xüsusi hazırlaşır. “Aygün Kazımova mənə çox yaxın insandır. Dəvət almışam, iştirak edəcəyəm. Amma hələ nə geyinəcəyimi müəyyənləşdirməmişəm”. Qeyd edək ki, Aygün Kazımovanın 43 yaşı tamam olacaq.

    Müğənni Yaşar Cəlilov həmkarı Emil Bədəlovla küsmələri haqqında gəzən şayiələrə son qoyub.  İfaçı Emillə 14 illik dostluqlarını heç nəyin yıxmayacağını bildirib: “Emillə eyni yarışmada idik, ona qalib gəldim. Bundan sonra xəbər yayıldı ki, düşmən olmuşuq. Emil 14 illik dostumdur. Onunla aramızı heç nə vura bilməz. Bunu sübut etmək üçün də birlikdə duet oxuduq. Bəzən kişi ifaçılarla duet səsləndirdiyim üçün məni qınayırlar. Amma ən yaxın dostlarımla birgə mahnı oxumaq mənə zövq verir”.

   Müğənni Ayan Babakişiyevadan yeni xəbər var.  Ana olmağa hazırlaşan sənətçi bununla əlaqədar bir müddət efirdən uzaqlaşıb. Buna baxmayaraq, ifaçı yeni mahnılar yazdırır: “Bəstəkar Elçin İmanov, Kamal və Xanım İsmayılqızı ilə çalışıram. Çox maraqlı layihələr düşünürük. Amma hələ gündəmə gəlmək istəmirəm. Mahnılarım hazır olsun, bir müddət ara verib sonra onları təqdim edəcəyəm. Bəstələrin adları da maraqlıdır”.

   Repçi Elmir Məhərrəmov bu yaxınlarda “Qara buludlar” adlı mahnısına çəkilən yeni klipini təqdim etməyə hazırlaşır. Kompozisiya ifaçının yeni albomuna daxil ediləcək. Mahnının müəllifi Fərid İsmayılovdur. Klipin rejissoru Emil Quliyevdir. Xatırladaq ki, Elmir gəncprodüser Nicat Qədimli ilə əməkdaşlıq etməyə başlayıb. “Qara buludlar” layihəsi də cütlüyün ilk birgə layihəsidir.

 

Sahilə Aslanova

 

Muz-Tv.az