Növbəti şou nümayəndəsi ana oldu

Tanınmış müğənni Aynur Dadaşovanın övladı dünyaya gəlib. Sənətçi ikinci dəfə ana olub.

    Tanınmış müğənni Aynur Dadaşovanın övladı dünyaya gəlib. Sənətçi ikinci dəfə ana olub. Leyla Şıxlinskaya Klinikasında olan müğənni və körpəsi özlərini normal hiss edir. Qeyd edək ki, bu, Aynur Dadaşovanın 2-ci övladıdır. Onun 9 yaşında oğlu var. 

    Teleaparıcı Səxavət Nur xalq artisti Aygün Kazımova ilə fotosunu paylaşıb. Şəklin təxminən il yarım əvvələ aid olduğu müəyyənləşib. Fotoda müğənni aparıcını öpür, Səxavət Nur isə gülümsəyir. Aparıcı şəkli paylaşan zaman heç bir şərh yazmayıb.

    Müğənni Günay İbrahimli qarderobundakı paltarları satışa çıxaracaq. Bu haqda sənətçi Axşam.az-ın əməkdaşı ilə söhbətində məlumat verib: “Qazancımın yarıdan çoxunu libaslara xərcləyirəm. Artıq evimdə paltardan yer yoxdur. Mən müğənniyəm. Bir məclisə geyindiyim paltardan təkrar-təkrar istifadə edə bilmərəm. Eyni libası üçüncü dəfə geyinəndə insanlar danışmağa başlayırlar.Qarderobumda geyinmədiyim şeylər çoxdur. Bunları satışa çıxaracağam”

    Müğənni Elçin Cəfərov kökəlməkdən şikayətlənib. Belindən əməliyyat olunan sənətçinin çəkisi 3 kiloqram artıb: “Bir çox hallarda formama fikir vermirəm. Sadəcə, çalışıram, çəkim artmasın. Əməliyyatdan sonra 3 kiloqram kökəlmişdim. Buna evdə oturmaq səbəb olmuşdu. Məni çox narahat edirdi. İdman etməyə də icazə verilmir. Artıq çəkini pəhriz vasitəsilə atmağa çalışıram. Az yemək yeyirəm. İndi 2 kiloqramını atmışam. Qalıb 1 kiloqram. Üz baxım vasitələrinə əhəmiyyət vermirəm. İnsanın qəlbi gözəldirsə, bu mülayimlik üzünə də vuracaq”.

 

Sərvər Mehdiyev

 

Muz-Tv.az