O, Azəri qızı Güneli təəccübləndirdi

Azəri qızı Günel qardaşı Tunar Rəhmanoğlu ilə birgə cəbhə bölgələrində qaçqın və məcburi köçkünlərə konsert verəcək. 

    Azəri qızı Günel qardaşı Tunar Rəhmanoğlu ilə birgə cəbhə bölgələrində qaçqın və məcburi köçkünlərə konsert verəcək. Müğənni: “Bu il albomum işıq üzü görəcək, bir ay orada reklam olacaq, bu müqavilənin şərtlərindən biridir. Daha sonra albomumu götürüb vətənimə gələcəyəm. Cəbhə bölgəsində olan rayonda konsert verəcəyəm. Mən qarabağlıyam, məcburi köçkünlərin bir gözü gülsə də, digər gözü daim yaşlıdır. Onların da əylənməyə, sevinməyə daim haqları var. Bu konsertlərimlə onlara sevinc bəxş edəcəyəm”. 

    Azəri olduğunu hər yerdə baş ucalığı ilə söyləyən Günel Ağdam suyu içmiş bir ifaçı kimi tədbirdə də oxumağa başlayıb.

Müğənni şəxsi həyatı ilə bağlı sualların ünvanlanmamasını istəsə də, tədbirdə yaşanan bu hadisə dediklərini təkzib edib. Belə ki, nişanlısı İnanc bəy tədbir zamanı  Günelə gül çələngi göndərib: “Nişanlım da Bakıda idi, onu Türkiyəyə yola saldım. Şəxsi həyatımdan söhbət açmağı sevmirəm. Gül göndərəcəyindən xəbərim yox idi, Türkiyədə olsa da, bu addımı ilə hər zaman yanımda olduğunu bir daha sübut etdi. Ona təşəkkürümü bildirirəm”

 

Sevda Məmmədova

Ramal Gülməmmədov

 

Muz-Tv.az