Beren Saat gələn təklifləri rədd edir

9 ildir efirdə olan aktrisa Beren Saat növbəti mövsüm üçün gələn serial təkliflərindən imtina edib. 

  9 ildir efirdə olan aktrisa Beren Saat növbəti mövsüm üçün gələn serial təkliflərindən imtina edib. Keçən il “Fatmagülün suçu nə?” serialından sonra fasilə verəcəyini açıqlamasına baxmayaraq, “İntiqam”da rol alan Saat qərarından dönməyib. Yay aylarında 3 il birlikdə olduğu Kənan Doğulu ilə evlilik planları quran ulduz bu müddətdə evində istirahət edəcək. Saat gələn 4 serial layihəsinin hər bölümü üçün böyük məbləğ təklif edilməsinə baxmayaraq, dəvətləri rədd edib. Filmdə də çəkilmək istəməyən aktrisa yaxınlarına: “Heç bir layihədə yer almayacağam. Çox yorulmuşam. Istirahət etmək istəyirəm” –dediyi öyrənilib.

   Ebru Gündəş iki ildir üzərində çalışdığı və bu ay təqdim etməyə hazırlaşdığı yeni albomunun çıxışını qeyri-müəyyən tarixədək təxirə salıb. Son hadisələrdən sonra halı yaxşı olmayan sənətçi musiqi toplusu ilə birlikdə bütün konsertlərindən də imtina edib. Qeyd edək ki, Ebru Gündəş bitən albomundan əlavə, xüsusi fotosessiyada da reallaşdırmışdı.

   Hollivud ulduzu Lindsey Lohan barlarda və gecə klublarında vaxt keçirərək pul qazanmağa başlayıb. Belə ki, aktrisa bəzi məkanlarda görünməsi qarşılığında minlərlə dollar gəlir əldə edir. Lindsey hər barda əylənməsinə görə 5 min dollardan 15 min dollaradək pul alır.

   “Əzəl” serialından sonra “Karadayı”da baş rol ifa edən Kənan İmirzalıoğlu radikal bir qərara gəlib. Belə ki, serialların uzunluğundan və çəkiliş meydançalarındakı ağır iş rejimindən şikayət edən aktyor şərtlər dəyişmədikcə bir daha serialda çəkilməyəcək. Bundan sonra filmlərdə çəkiləcəyini qeyd edən Kənan: “Bəzi təkliflər almışam. Danışıqlar davam edir” –deyə bildirib.

 

Sahilə Aslanova

 

Muz-Tv.az