Natavan Həbibi yeni klip çəkdirir

Müğənni Natavan Həbibi yeni klip çəkdirir. Publika.Az-ın məlumatına görə, sənətçi həmkarı Elton Hüseynəliyevlə  “Dənizin nəğməsi” adlı mahnı ifa edib. 

    Müğənni Natavan Həbibi yeni klip çəkdirir. Publika.Az-ın məlumatına görə, sənətçi həmkarı Elton Hüseynəliyevlə  “Dənizin nəğməsi” adlı mahnı ifa edib. Sözügedən kompozisiyanı ekranlaşdırmaq qərarına gələn müğənnilər rejissor Nail Naiboğluya üz tutublar. Klip çəkilişlərinin bir hissəsi dəniz kənarında reallaşıb. Video çarxın gələn ayın ilk günlərində  tamaşaçılara təqdim olunacağı bildirilir.

   “Avroviziya-2013” mahnı müsabiqəsinin milli seçim turunun iştirakçısı, gənc müğənni Boris Bayramovun yeni yaradıcılıq işi hazırdır. Bu barədə müğənninin PR meneceri Elvin Əli məlumat verib. O bildirib ki, Borisin ifasında səslənən “Bir daha” adlı mahnının klipi artıq təqdim olunub. Kompozisiyanın sözləri Azər Şirinə, musiqisi isə Tərlan Məmmədhüseynova məxsusdur. Rejissorluğunu Ramil Quliyevin etdiyi video çarx Borisin sayca 3-cü işidir.

    Müğənni Rəqsanə İsmayılova Bakıya gəlib. Axşam.az-ın məlumatına görə, bir müddətdir Moskvada olan sənətçi qızı Aysunu da özü ilə birgə gətirib. Bakıda anasının yanında saxladığı digər övladı Yağmuru uzun müddətdir görməyən ifaçı onun üçün darıxdığını bildirib. Rəqsanə gecəyarısı qızları ilə şəhər gəzintisinə də çıxıb.

    Rəqqasə Fatimə Fətəliyeva həftəsonu istirahətini Qusarda keçirib. Sənətçi uşaqları ilə getdiyi Şahdağ gəzintisindən fotoları sosial şəbəkədəki profilində paylaşıb.

 

Sahilə Aslanova

 

Muz-Tv.az