Əməkdar artist kaprizlərindən danışdı

Əməkdar artist Almaz Ələsgərli qida rasionunda daha çox tərəvəzlərə üstünlük verir. 

   Əməkdar artist Almaz Ələsgərli qida rasionunda daha çox tərəvəzlərə üstünlük verir. Axşam.az-ın məlumatına görə, sənətçi məclislərdə yeməyi xüsusi hazırlatdırdığını deyib: “Hansısa məclisə gedəndə orada qonaqlar üçün hazırlanan yeməklərdən yemirəm. Mənim üçün özəl bişirilməlidir. Çünki isti xörək yeyirəm. Daha çox tərəvəzlərə üstünlük verirəm. Toyun əvvəlində yeyə bilmərəm, ancaq sonunda. Əks halda, oxumaq olmur. Restorana gedərkən də hər zaman kapriz göstərirəm. Ən dadlı, yaxşı və təmiz yeməyi olan məkanı seçirəm”.

   Müğənni Xatirə İslam oğlunun 10 ayının tamam olmasını qeyd edib. Sənətçi oğlu Emilin 1 yaşı tamam olana kimi hər ayını ailəsi ilə birlikdə qeyd edəcək. Övladının on aylığını ailəsi ilə birlikdə evində keçirən Xatirə fotolarını İnstaqram səhifəsində paylaşıb.

   Bəstəkar Aygün Səmədzadənin qızı nişanlanıb. Bir çox sevilən mahnıların müəllifinin Ülkər adlı qızı sevib-seçdiyi bəy ilə ailə həyatı qurmağa qərar verib. Qeyd edək ki, Ülkər xanım Azərbaycan Respublikası Milli Məclisinin deputatı, AMEA-nın həqiqi üzvü, iqtisad elmləri doktoru, professor, görkəmli iqtisadçı Ziyad Səmədzadənin nəvəsidir.

   Xarici ölkələri səyahət etməyi sevən Xəyyam Nisanov istirahətə yollanıb. SİA-nın verdiyi xəbərə görə, sənətçi bu dəfə dincəlmək üçün Münheni seçib. İfaçı olduğu məkanları lentə almağı da unutmayıb.

 

Sahilə Aslanova

 

Muz-Tv.az