Müğənni: “Sevgilim, çox sağ ol”

Müğənni Nadir Qafarzadə \"Ağlama, sevdam\" adlı yeni albomunu təqdim edib. Axşam.az xəbər verir ki, sənətçi 2014-cü ildə bir çox layihələrə imza atacağını bildirib...

    Müğənni Nadir Qafarzadə \"Ağlama, sevdam\" adlı yeni albomunu təqdim edib. Axşam.az xəbər verir ki, sənətçi 2014-cü ildə bir çox layihələrə imza atacağını bildirib:\"Ötən il səhnədə uğurlarım çox oldu. \"Sən mələksən\" adlı konserti və \"Maral\" mahnımı misal gətirə bilərəm. Əgər müzakirə edirlərsə, deməli, iş görürəm. Bu il də bir çox layihələri həyata keçirəcəyəm. Yeni albomumu kiməsə pulsuz bağışlamaq niyyətim yoxdur. Kim istəyirsə, bir az xərcə düşəcək\". Qeyd edək ki, N.Qafarzadənin yeni “Ağlama, sevdam” adlı albomunda 32 mahnı yer alıb. Albomda müğənnin yeni fotosessiyasından olan şəkilləri də yerləşdirilib.

    “Eurovision” təmsilçilərimizdən olan müğənni Səbinə Babayeva teleseriala dəvət alıb. Bu haqda ifaçı İnstaqram səhifəsində qeyd edib: “Seriala dəvət almışam. Amma hələ ki, fikirləşirəm”.  Qeyd edək ki, Səbinə yanvarın 25-də Caz mərkəzində konsert verəcək.

    Əməkdar artist Abbas Bağırovdan sonra indi də müğənni Çingiz Mustafayev fotoqraf olmaq qərarına gəlib. Sənətçi son vaxtlar fotoaparatla çəkdiyi şəkilləri sosial şəbəkədə yerləşdirib. Diqqət çəkən fotoların altından isə Çingiz bunları yazıb:“Bir ömür istədiklərini öyrənməyə bəs etmir. İstədiyimi alana kimi kamera ilə oynayıram”.

    Aybəniz Haşımovanın qızı Aynişan Quliyeva öz şəxsi səhifəsində maraqlı foto paylaşıb. Avtomobilində bir qızılgül şəkili paylaşan Aynişan “sevgilim, çox sağ ol” sözlərini yazaraq, hədiyyəyə görə, sevdiyi şəxsə təşəkkür edib.

 

Sevda Məmmədova

 

Muz-Tv.az