Rusiyalı məşhur müğənninin avtomobilini oğurladılar

Məşhur müğənni Vladimir Presnyakov avtomobil oğrularının qurbanına çevrilib. Məlumata görə, ifaçı axşam saatlarında maşınını evinin yaxınlığında saxlayıb. 

    Məşhur müğənni Vladimir Presnyakov avtomobil oğrularının qurbanına çevrilib. Məlumata görə, ifaçı axşam saatlarında maşınını evinin yaxınlığında saxlayıb. Səhər isə “İnfiniti” markalı avtomobilin yox olduğunu görüb. Dərhal polisə şikayət edən müğənninin bir dəfə də oğruların hücumuna məruz qaldığı məlum olub. Belə ki, 2011-ci ildə qarətçilər sənətçinin mənzilinə daxil olaraq 500 min avroluq zərər vurmuşdular.

    Pop müğənnisi Çelik də burun əməliyyatı etdirən məşhurlar sırasına qoşulub. Burnunda sümük əyriliyi və ət böyüməsi olan sənətçi əməliyyatdan sonra evə buraxılıb. Yuxusuzluq və nəfəs darlığı şikayəti ilə xəstəxanaya aparılan Çeliyi ölkənin məşhur professorlarından biri əməliyyat edib.

     İngiltərə musiqi tarixinin “The Beatles”-dən sonrakı ən səs gətirən kişi qrupu hesab edilən “One Direction”-un dağılacağı iddia edilir. Məlumata görə, kollektivin sevilən üzvlərindən Harri Staylsın heç kimə xəbər vermədən Kanye Uestlə yeni mahnı yazdırması prodüser Saymon Kouelli çox əsəbləşdirib. Staylsın gizlicə solo albom üzərində çalışdığı da iddia edilir. Xatırladaq ki, “One Direction” dünyanın ən böyük heyran kütləsinə sahib qrupudur.

    Müğənni Yusuf Güneyin üç aydır model Çağla Yıldırımla birlikdə olduğu iddia edilib. Cütlük sosial media vasitəsilə paylaşdıqları şəkillə şayiələri təsdiqləyib. Sevgililərin artıq indidən evlilik planları qurduğu bildirilib.

 

Sahilə Aslanova

 

Muz-Tv.az