Cennifer Lopez himn səsləndirəcək

Bu yay Braziliyada keçiriləcək futbol üzrə Dünya Çempionatının rəsmi himninin ifaçıları məlum olub. 

   Bu yay Braziliyada keçiriləcək futbol üzrə Dünya Çempionatının rəsmi himninin ifaçıları məlum olub. Bunlar məşhur müğənni Cennifer Lopez, braziliyalı ifaçı Klaudia Leytte və reper Pitbull olacaq. \"We Are One\" adlı mahnı portuqal və ingilis dillərində səsləndiriləcək. Qeyd edək ki, Dünya Çempionatı iyunun 12-dən iyulun 13-dək davam edəcək.

   Türkiyəli aktrisa Bade İşcil şad xəbər alıb. 30 yaşlı sənətçi ana olacaq. Bir neçə gün əvvəl həkim müayinəsindən keçən Bade 1 aylıq hamilə olduğunu öyrənib. Aktrisa bu xəbəri ictimaiyyətlə paylaşmağa tələsmir. Qeyd edək ki, Bade İşcil iş adamı Malkoç Sualpla evlidir. Cütlük övlad sahibi olmağı arzuladığını tez-tez dilə gətirirdi.

   Hollivud ulduzu Ancelina Coli əməliyyat olunacaq. Aktrisa əllərinin görünüşündən narazıdır. Ancelinanın damarları çox üzdə olduğu üçün onda kompleks yaradır. Cərrahi müdaxilə bu problemi həll edəcək. Colinin aktyor Bred Pittlə toy etməyə hazırlaşdığı və bu səbəbdən ideal görünüşdə olmaq istədiyi iddia olunur. Qeyd edək ki, Ancelina Coli və Bred Pitt 2005-ci ildən birlikdədirlər.

   Türkiyəli müğənni Hande Yenerlə köhnə sevgilisi Ozan Öyütlə qalmaqal yaşayıb. Bir müddət əvvəl ayrılan cütlük İstanbulun Etilər səmtində gecə klubunda rastlaşıb. Bir neçə dəqiqə sonra tərəflər arasında mübahisə yaranıb. Əsəblərini cilovlaya bilməyən Hande Yener içki ilə dolu bardağı Ozana atıb. Ətrafdakılar sənətçini sakitləşdirib. Ozan Öyütün Hande Yenerlə birlikdə olarkən ona xəyanət etdiyi, müğənninin bu səbəbdən aqressiv davrandığı iddia edilir.

 

Sahilə Aslanova

 

Muz-Tv.az