Günay İbrahimli həyatını sığortaladı
Müğənni Günay İbrahimli həyatını sığorta etdirib. Təəssüratlarını Axşam.az-ın əməkdaşı ilə bölüşən Günay təklifi sığorta şirkəti tərəfindən aldığını bildirib...
Müğənni Günay İbrahimli həyatını sığorta etdirib. Təəssüratlarını Axşam.az-ın əməkdaşı ilə bölüşən Günay təklifi sığorta şirkəti tərəfindən aldığını bildirib: “Təklif sığorta şirkətindən gəldi. Həmin insanların məclisində çıxış etmişdim. Onlar da ifamı bəyənmişdilər. İnsanın həyatda başına hər iş gələ bilər. Sabahımızdan əmin deyilik. Buna görə də təklifi məmnuniyyətlə qəbul etdim. Artıq həyatım sığortalanıb, nəsə baş versə, mənə 100 min manat ödəniləcək”. Günayın imza atarkən çəkilən özəl fotolarını təqdim edirik.
Azərbaycana gələn məşhur italiyalı bəstəkar və dirijor Ennio Morrikone mətbuat konfransı keçirib.
APA-nın məlumatına görə, jurnalistlərin suallarını cavablandıran bəstəkar qeyd edib ki, Azərbaycanda konsert proqramı ilə çıxış etməkdən məmnundur: "Bakıda olmaq mənim üçün sevindirici hadisədir. İnanıram ki, sabahkı konserti uğurla başa vuracayıq və bizi dinləyənlər məmnun qalacaqlar. Ümumiyyətlə, bütün konsertlərim mənim üçün bir bayram olmaqla yanaşı, həm də narahatlıq və gərginlik deməkdir. Sabah eşidəcəyiniz musiqilər müxtəlif filmlərdə səsləndirilsə də, siz onları müstəqil musiqi nümunələri kimi qəbul edin". Qeyd edək ki, E. Morrikone yanvarın 25-də Heydər Əliyev Sarayında konsert verəcək.
Tanınmış "UC-Kuduk" özbək qrupu yenidən Bakıya gəlib. Bu dəfə qrupun solisti Ziyad İşanxocayevlə birlikdə digər üzvlər də şəhərimizin qonağı olub. Müğənni Roza Zərgərlinin dəvəti ilə paytaxta gələn Ziyad İşanxocayev şəhəri gəzmək imkanı da əldə edib. R.Zərgərli birlikdə oxuduqları “Tı i ya” adlı mahnıya klip çəkdirəcəklərini bildirib. Sənətçi özbək müğənnisinin onun ifasını bəyəndiyini və işbirliklərinin bundan sonra da davam edəcəyini vurğulayıb. Qeyd edək ki, Röza Zərgərli və Ziyad İşanxocayev “Şərq bazarı” müsabiqəsində tanış olub.
Türkiyəli sənətçilər 14 fevral tarixində Bakıda konsert proqramı ilə çıxış edəcək. Hazırda Almaniyada yaşayıb fəaliyyət göstərən müğənni Cansevər, Türkiyədən Özgür Alter, oriyental rəqs ifaçısı Samara paytaxtımızın qonağı olacaq.
Bundan başqa yerli sənətçilərdən Niyam Salami də türkiyəli sənətçilərlə eyni səhnəni paylaşacaq. Həmin gün bir çox gənc ifaçıların çıxışı da gözlənilir. “Sıla gecəsi” adlanan konsert Sayqa Cahidin təqdimatında şəhər restoranlarının birində baş tutacaq.
Sevda Məmmədova
Muz-Tv.az