Hüsnü Şənləndirici: “Sizin musiqilərdən öyrənməyə çalışıram”

Ötən gün Üzeyir Hacıbəyov adına Bakı Musiqi Akademiyasının təşkilatçılığı ilə “Türk musiqi axşamı” keçirilib. 

   Ötən gün Üzeyir Hacıbəyov adına Bakı Musiqi Akademiyasının təşkilatçılığı ilə “Türk musiqi axşamı” keçirilib. “Bir millət, iki dövlət” devizi altında baş tutan konsertdə Bakı Musiqi Akademiyasının Türk tələbə və doktorantları, Türkiyənin tanınmış sənətçiləri iştirak edib. Onlar arasında klarnet ifaçısı Hüsnü Şənləndirici və bir çox tanınmış simalar olub. İki saata yaxın davam edən tədbirdə ifaçıların repertuarından seçilmiş musiqi parçaları, sevilən türk xalq, türk sənət və estrada, eləcə də Azərbaycan musiqisinin nümunələri səsləndirilib. Eyni zamanda bəstəkar Gövhər Həsənzadə Hüsnü Şənləndiricini yerə-göyə sığdırmayıb tərif-tərif ardınca düzüb.

   Şəhərimizin dəfələrlə qonağı olan Hüsnü bəy isə artıq bizim musiqilərdə də bir doğmalıq gördüyünü söyləyib və bizim sənətçilərdən Elnur Məmmədovu, “Şeron” qrupunu və eləcə də Hüseyn Məhəmmədoğlunu tanıdığını bildirib. Sənətçinin sözündən belə aydın olub ki, o, bu konsertlə kifayətlənmək fikrində deyil. Daha ətraflı süjetdə izləyə bilərsiniz.

Sərvər Mehdiyev

Bəxtiyar Nəsirov

 

Muz-Tv.az