“Qremmi” mükafatlarının təqdimetmə mərasimi baş tutdu
Yanvarın 26-da ənənəvi "Qremmi" musiqi mükafatının 2014-cü il üçün qalibləri bəlli olub. Gecədə müğənnilər 78 nominasiyada təltif edilib.
Yanvarın 26-da ənənəvi "Qremmi" musiqi mükafatının 2014-cü il üçün qalibləri bəlli olub.Gecədə müğənnilər 78 nominasiyada təltif edilib. Mərasimin açılışını Beyons və Cey Zi cütlüyü edib. Tədbirdə müğənni Madonna, Keti Perri, Teylor Svift, Mark Entoni, aktrisa Culiya Roberts və digər tanınmış şəxslər iştirak edib. “Ilin albomu” adına “Daft Punk” qrupu “Random Access Memories” musiqi toplusuna görə layiq görülüb. “İlin mahnısı” kateqoriyasında Lorde “Royals” mahnısı ilə qalib gəlib. "Ən yaxşı vokal duet və ya qrup ifası" nominasiyasındamükafatDaft Punk və Farrell Uilyamsa “Get Lucky” mahnısına görə təqdim edilib. “Ən yaxşı pop mahnı” statusuna isə Deyv Qrol, Pol Makkartni, Krist Novoselik və Pat Smear “Cut Me Some Slack” kompozisiyası ilə layiq görülüb.
Sosial mediadan aktiv şəkildə istifadə edən türkiyəli müğənni Demet Akalın heyranlarını kədərləndirəcək bir qərar alıb. Twitter və İnstaqramda 3 milyonadək izləyicisi olan sənətçi fevralda doğulacaq körpəsinin hər anını sevənləri ilə paylaşırdı. Fanatları ulduzun yeni doğulan körpəsinin fotolarını səbirsizliklə gözləsələr də, Akalın “Qızımızın şəkillərini yayımlamayacağıq”- deyə açıqlama verib. Müğənni körpələrini qorumaq üçün həyat yoldaşı Okan Kurtla birlikdə bu qərara gəldiklərini söyləyib.
Məşhur müğənni Ledi Qaqa yenidən imicini dəyişmək eşqinə düşüb. Daim qeyri-adi görünüşü ilə diqqət çəkən ulduz bundan sonra xanımsayağı görünməyə çalışacağını söyləyib. Saçlarını fərqli formaya salıb dekolteli ağ libas geyinən Ledi parlaq ayaqqabıları ilə imicinə cazibədarlıq qatıb. Paltarın üzərindəki qiymətli qaşlar müğənniyə xüsusi gözəllik verib. İfaçının bu libası günəş eynəkləri ilə daha fərqli görünüş əldə edib.
Kıvanç Tatlıtuğ serial çəkilişləri zamanı ata minərkən nərdivandan istifadə edib. Aktyor Star Tv-də başlayacaq “Kurt Seyit və Şura”nın keçən ay Boludakı çəkilişlərində atdan düşərək 4qabırğasını qırmışdı. Şiddətli ağrılarına görə çətinlik çəkən Kıvanç atla çəkilən səhnələrdə nərdivandan istifadə etməli olub.
Sahilə Aslanova
Muz-Tv.az