Ennio Morrikone möhtəşəm konsert proqramı ilə musiqisevərləri valeh etdi

Məşhur italiyalı bəstəkar, “Oskar” mükafatı laureatı, dirijor Ennio Morrikone möhtəşəm konsert proqramı ilə Heydər Əliyev Sarayında çıxış edib.

   Məşhur italiyalı bəstəkar, “Oskar” mükafatı laureatı, dirijor Ennio Morrikone möhtəşəm konsert proqramı ilə Heydər Əliyev Sarayında çıxış edib.Bir çox siyasət və incəsənət xadimlərinin qatıldığı gecədə suallarımızı cavablandıran xalq artistləri Fərhad Bədəlbəyli, Fidan və Xuraman Qasımova bacıları ustad sənətkarın konsertində yer almaqdan duyduqları həyəcanı dilə gətiriblər.

   Dahi sənətkar gurultulu alqış sədaları altında səhnəyə təşrif buyurub. Ustad bəstəkar konsertin əvvəlində sevilən filmlərə bəstələdiyi əsərlərini musiqisevərlərə təqdim edib. Daha sonra Morrikone Üzeyir Hacıbəyli adına Azərbaycan Dövlət simfonik orkestri və Azərbaycan Xor Kapellası ilə birlikdə tamaşaçılara unudulmaz gecə yaşadıb.

   Qeyd edək ki, konsert “Buta” İncəsənət Mərkəzinin təşkilatçılığı, Mədəniyyət və Turizm Nazirliyinin, İtaliyanın Azərbaycandakı səfirliyinin dəstəyi ilə baş tutub.

 

Sahilə Aslanova

Ramal Gülməmmədov

 

Muz-Tv.az