Məhəbbət Kazımov dünyasını dəyişdi

Əməkdar artist Məhəbbət Kazımov bu gün səhər saatlarında evində dünyasını dəyişib. Müğənni epilepsiyadan vəfat edib. 

   Əməkdar artist Məhəbbət Kazımov bu gün səhər saatlarında evində dünyasını dəyişib. Müğənni epilepsiyadan vəfat edib. Verilən məlumata görə, ifaçı təzyiq və şəkər xəstəliyindən əziyyət çəkirmiş. Qeyd edək ki, o, 1953-cü il iyul ayının 2-də Laçın rayonunun Çorman kəndində dünyaya gəlib. Ailədə səkkiz bacı, dörd qardaş olublar. Məhəbbət Kazımov ilk təhsilini Şamkənd kənd orta məktəbində alıb. 1976-cı ildən professional səhnədə çıxış edib. "Dan Ulduzu" ansamblının solisti olub. 14 sentyabr 2012-ci əməkdar artist fəxri adına layiq görülüb. Məhəbbət Kazımov"Laçın" instirumental ansambılının rəhbəri olub. 1990-cı ildə ailə həyatı qurub, üç övlad atasıdır. Əməkdar artist Məhəbbət Kazımovla vida mərasimi evində olacaq. Bu barədə mərhumun dostu Natiq Dağlaroğlu məlumat verib: “Onu son mənzilə yola salmaq üçün yaxından-uzaqdan çox insanın gələcəyi gözlənilir. Ona görə də vida mərasimi sabah saat 12-dən başlayacaq. Mərhum Bakıda dəfn olunacaq”. Allah rəhmət etsin!

 

Sərvər Mehdiyev

 

Muz-Tv.az