Sevda Yahyayeva yeni mənzil alıb

Müğənni Sevda Yahyayevadan xəbər var. Axşam.az-ın məlumatına görə, özünə yeni mənzil alan sənətçi maraqlı layihələr hazırlayır: “İki fərqli layihə üzərində...

   Müğənni Sevda Yahyayevadan xəbər var. Axşam.az-ın məlumatına görə, özünə yeni mənzil alan sənətçi maraqlı layihələr hazırlayır: “İki fərqli layihə üzərində işləyirəm. Bilirəm ki, o reallaşsa, hamı bəyənəcək”. Uzun müddətdir kirayə evdə yaşayan Sevda yeni evindən danışıb: “Artıq mənim də öz mənzilim var. Bunu çox reklam etmək istəmirəm”. Sevda Yahyayeva heç vaxt özünü biznes-ledi kimi görmədiyini də bildirib:“Mən ifaçıyam, heç vaxt özümü başqa biznesdə sınamağı düşünməmişəm. Belə bir fikrim də yoxdur. Müğənniliklə əldə etdiyim gəlir mənə kifayətdir”.

   Müğənni Miri Yusif sevənləri ilə görüşəcək. Ticarət mərkəzlərindən birində baş tutacaq imza gününə sənətçinin “Ağ qarğa” albomunu əldə etməyən pərəstişkarları da dəvət olunacaq. Fevralın 2-də saat 15:00-da gerçəkləşəcək görüşdə Miri Yusif sevənləri ilə şəkillər çəkdirəcək, imza paylayacaq. Qeyd edək ki, daha əvvəl baş tutan imza gününə yalnız sənətçinin yeni albomunu alanlar buraxılırdı.

   Əməkdar artist Tünzalə Ağayeva "TRT müzik" kanalında efirə gedəcək verilişinin hazırlıqlarına başlayıb.  Proqramın studiyasının dekorasiyası da hazırdır. Tezliklə yayımlanacaq veriliş “Bir səsin cazibəsi” adlanır. Proqramda Tünzalənin geyimlərinin müəllifi modelyer Gülnarə Xəlilova olacaq.

 

Sərvər Mehdiyev

 

Muz-Tv.az