Britni Spirs üçüncü dəfə evləndi?

Amerikalı müğənni Britni Spirsin evləndiyi iddia edilib. Ulduz heç bir açıqlama verməsə də, oğlu Ceydenin futbol oyununu izləməyə gedəndə əlindəki nişan üzüyünü...

    Amerikalı müğənni Britni Spirsin evləndiyi iddia edilib. Ulduz heç bir açıqlama verməsə də, oğlu Ceydenin futbol oyununu izləməyə gedəndə əlindəki nişan üzüyünü müxbirlərə göstərib. Səkkiz aydır Deyv Lukado ilə birlikdə olan və bir sıra reportajında ailə qurmağı düşündüklərini deyən 32 yaşlı Spirsin idman geyimi ilə getdiyi məkana qızıl üzük taxması diqqət çəkib. Ulduzun jurnalistlərə əlini göstərməsi üçüncü dəfə evləndiyi iddialarını gücləndirib. Müğənninin mətbuat katibi isə bu barədə heç bir məlumat verməyib.

    Arıqlayıb gözəl bədən quruluşuna sahib ola bilmək üçün davamlı idman edən Murad Boz nəhayət arzusuna çatıb. Vaxtının çoxunu fitnes zallarında keçirən müğənni İnstaqram səhifəsindən yarpıçılpaq şəkillərini paylaşıb. Fotonun altpına “Yay gəlsəydi, günəşlənərdim” yazan ulduzun fotosu heyranları tərəfindən də bəyənilib. Xatırladaq ki, Murad Boz keçən il Bodrum tətilində çəkilən kilolu fotoları ilə uzun müddət gündəmdə qalmışdı.

    Ən yaxşı film kateqoriyası daxil olmaqla, 5 nominasiyada “Oskar”a namizəd göstərilən “The Wolf of Wall Street” filminin iki ulduzu Leonardo Di Kaprio və Cona Hill “Saturday Night Live” şousuna qonaq olublar. Məşhur cütlüyün Di Kaprio və Keyt Uinsletin “Titanik” filmindəki uçma səhnəsini təqlid etmələri proqramın ən yaddaqalan məqamı olub. Hillin belinə arxadan sarılan Leonardo tamaşaçıları qəhqəhələrə boğub.

   “Med Cezir” serialında “Mira” xarakterini canlandıran Serenay Sarıkaya ağır iş rejimindən şikayətlənərək xəstəxanaya yollanıb. Aktrisa qan analizi götürüldükdən sonra həddən artıq yorğunluq səbəbi ilə xəstəxananın təcili yardım bölməsinə yerləşdirilib. Bütün bu zaman ərzində Çağatay Ulusoy da Serenayı tək buraxmayıb. Müayinənin bitməsinə baxmayaraq, aktrisanın özünü hələ də yaxşı hiss etməməsi Çağatayı əsəbləşdirib. Xəstəxananın yaxşı qulluq etmədiyini iddia edən Ulusoy sevgilisi Sarıkayanı yaxınlıqdakı başqa təcili yardım xəstəxanasına aparıb.

 

Sahilə Aslanova

 

Muz-Tv.az