Vin Dizel məşhur ulduzları təqlid etdi

Hollivud ulduzu Vin Dizelin Keti Perri və Beyonsun mahnıları altında rəqs etdiyi video 700 min insan tərəfindən bəyənilib. 

    Hollivud ulduzu Vin Dizelin Keti Perri və Beyonsun mahnıları altında rəqs etdiyi video 700 min insan tərəfindən bəyənilib. Çarx aktyorun Facebook-dakı rəsmi səhifəsində yayımlanıb. Ev kamerasına çəkilən videoda Dizel Keti Perrinin “Dark horse”,  Beyonsun “Drunk in love” mahnıları altında maraqlı rəqs hərəkətləri nümayiş etdirir.

    Ötən günlərin birində nişanlısı Ersan Gülüm tərəfindən bir ismarıcla tərk edilən model Tuğba Melis Türkə Demet Akalından dəstək gəlib. O, Twitter hesabından Türkə müraciət edərək: “İndi sənə acı kimi görünən kədərə gələcəkdə təşəkkür edəcəksən. Pis olmağına dəyməyəcək. İnan buna” – sözləri ilə dəstək olub.

    Bu yaxınlarda ana olmağa hazırlaşan Haydi Klum şəxsi mühafizəçisi olan sevgilisi Martin Kristendən ayrılıb.  Bu məlumatı modelin yaxın dostlarından biri açıqlayıb. Onun sözlərinə görə, Haydi və Martin arasında səbəbi məlum olmayan mübahisə baş verib. Xatırladaq ki, Haydi Klum Sillə boşanma prosesi davam edəndə Martinlə sevgili olub. Super modelin hamilə olması 1ay əvvəl məlum olub. Körpənin atası Martindir.

    “Oskar” mükafatı laureatı Cennifer Lourens “Dior” firmasından yeni təklif alıb. Xəbər verildiyi kimi, məşhur brend ulduzla əməkdaşlığı davam etdirmək qərarına gəlib və bu işbirliyinə görə aktrisaya 15 milyon dollar təklif edib.  Cennifer yenə bütün mərasimlərə məhz bu markaya məxsus libaslarda qatılmalı olacaq. Xatırladaq ki, aktrisa “Oskar” mükafatı alanda da məhz “Dior”dan geyimlə səhnəyə çıxmışdı.

 

Sahilə Aslanova

 

Muz-Tv.az