Əməkdar artist Latviyada klip çəkdirdi
Əməkdar artisti İlqar Muradov Latviyada çəkdirdiyi yeni klipini təqdim etməyə hazırlaşır. 1news.az-ın məlumatına görə, video çarx “Peşman olarsan” mahnısıpna çəkilib.
Əməkdar artisti İlqar Muradov Latviyada çəkdirdiyi yeni klipini təqdim etməyə hazırlaşır. 1news.az-ın məlumatına görə, video çarx “Peşman olarsan” mahnısıpna çəkilib. Rejissor kürsüsündə Vaso Qarayev əyləşib. Əməkdar artist alınan son nəticədən çox məmnun olduğunu söyləyib. Klipin təqdimatı fevrala nəzərdə tutulsa da, artıq çəkiliş meydançasından bəzi görüntülər internetdə yayımlanıb.
Yumor ustası Fərda Xudaverdiyev həyatı ilə bağlı maraqlı məqamlardan söz açıb. Axşam.az-ın məlumatına görə, aktyor açıqlamasında bir vaxtlar ofisiant kimi çalışdığını bildirib: “Özüm bir vaxtlar ofisiant işləmişəm. Ona görə də indi restorana gedəndə o vəzifədə olan insanlara hörmətlə yanaşıram. Çay pulu isə çox verirəm”.
“Avroviziya 2011” mahnı müsabiqəsinin qalibi Nigar Camal qızları ilə park gəzintisinə çıxıb. Jasmin və Səidə ilə əylənən müğənni fotolarını İnstaqram səhifəsində paylaşıb. Qeyd edək ki, sənətçi övladları ilə birgə Londonda yaşayır.
Bu gün müğənni Xatirə İslamın ad günüdür. Sənətçi 1981-cı ildə Xankəndi şəhərində anadan olub. Oradakı 4 nömrəli məktəbdə birinci sinfədək təhsil alıb. Daha sonra məcburi köçkün həyatı yaşayıb və Sabunçu rayon tam təmayüllü məktəbində oxuyub. İlk ixtisası həkimlik olub. Lakin daha sonradan Azərbaycan Dövlət Mədəniyyət və İncəsənət Universitetini bitirib. Səhnədə ilk addımlarını 2002-ci ildə atıb. Müəllimi xalq artisti, xanəndə İslam Rzayev olub. Ailəlidir, bir oğlu var.
Sahilə Aslanova
Muz-Tv.az