Xatirənin ad günündə baş verənlər
Müğənni Xatirə İslam özünə ad günü keçirib. Əyləncə mərkəzlərindən birində reallaşan gecəyə şou-biznesin tanınmış simaları qatılıb.
Müğənni Xatirə İslam özünə ad günü keçirib. Əyləncə mərkəzlərindən birində reallaşan gecəyə şou-biznesin tanınmış simaları qatılıb. Maraqlı anlarların yaşandığı tədbirin aparıcısı Sərxan Kərəmoğlu olub. Xalq artisti İlhamə Quliyeva məclisə oğlu və gəlini ilə birlikdə gəlib. Müğənni Xatirəni təbrik edib, onun mərd bir xanım olduğunu söyləyib: “Xatirə gözəl, səmimi qızdır. O, bütün gözəlliklərə layiqdir. Ona ailə həyatında uzun ömür, xoşbəxtlik arzulayıram”. Sənət dostları ona çiçək dəstələri və bahalı zinət əşyaları bağışlayıb.
Müğənni Könül Kərimova uzun müddətdir üzərində çalışdığı “Mənə bir az ondan danış” adlı mahnısını təqdim edib. Axşam.az-ın məlumatına görə, sözləri Vüqar Rahiyə aid olan mahnının müəllifi müğənni-bəstəkar Nazim Məmmədovdur. Bəstəni bir il bundan əvvəl alan ifaçı onu belə gec təqdim etməsinin səbəbi haqda danışıb: “Çəkilişlərim çox olurdu. Bir-iki dəfə ifa etdim, ürəyimcə alınmadı. Tez-tez studiyaya gedib yenidən oxuya bilmirdim. Buna görə də onu belə gec təqdim etdim”. Qeyd edək ki, “Mənə bir az ondan danış” mahnısını bu yaxınlarda müğənni Kərim Abbasov da ifa edib. Bu mahnının bəstəkarı isə sənətçi özüdür.
Bir müddət əvvəl tək arzusunun xalq artisti Zeynəb Xanlarova ilə şəkil çəkdirmək olduğunu deyən prodüser Tolikin istəyi reallaşıb. Axşam.az-ın məlumatına görə, Tolik Zeynəb Xanlarova ilə bir araya gəlib və şəkil çəkdirib. Bu haqda əməkdaşımıza açıqlama verən prodüser xalq artistinin onu təriflədiyini də bildirib: “Zeynəb xanım az keçmədi, məni sevindirdi. Maraqlı söhbətimiz oldu. Mənim işlərimi çox bəyəndiyini dedi. Həm də açıqsözlü olduğumu alqışladığını bildirdi”.
Müğənni Azəri Günel Zeynalova maraqlı açıqlama verib. O, Nadir Qafarzadənin “Maral” mahnısını ilk dəfə özünün oxuduğunu iddia edib: “Bu mahnını 2008-ci ildə ifa etmişdim, albomumda yer alacaqdı. Amma sonra mahnıların sayı çox oldu, mən də bunu çıxarmaq istədim. Mahnının adını “Balam” qoymuşdum. Həmin bəstəni Türkiyədə aranjiman etdirmişdim. İndi də avtomobilimdə var, hərdən qulaq asıram. Mən onu fərqli formada təqdim edə bilərəm. Bu mahnıya görə heç kim məni qınaya bilməz. Çünki bəstəkarına pul ödəyib almışam. Qalmaqalla işim yoxdur. Başımı aşağı salıb işimlə məşğulam”.
Sərvər Mehdiyev
Muz-Tv.az