Castin Biber yenə həbs edildi

Kanadalı müğənni Castin Biber keçən həftə tutulub zamin qarşılığında azadlığa buraxılmasının ardından indi də Torontoda həbs edilib. 

    Kanadalı müğənni Castin Biber keçən həftə tutulub zamin qarşılığında azadlığa buraxılmasının ardından indi də Torontoda həbs edilib. Ulduzun martın 10-da hakim qarşısına çıxacağı bildirilir. Biber ötən il dekabrın 30-da Torontoda 6 dostu ilə kirayə götürdüyü limuzininin sürücüsünü döymək və təhqir etməkdə günahlandırılır.  Ifadəsi alınan müğənni azadlığa buraxılıb. Polis idarəsi arxa qapıdan tərk edən Biberin vəkili hər şeyin yanlış anlaşılma olduğunu söyləyib.

   “Öyle bir geçer zaman ki” serialında Karolin obrazı ilə tanınan Vilma Elles ailə həyatı qurmağa hazırlaşır. Alman aktrisası iki ildir birlikdə olduğu iş adamı Kərəm Göyüşün evlənmə təklifini qəbul edib. Avqustun son həftəsi nikah masasına əyləşməyə hazırlaşan cütlük toy mərasimini isə Almaniyada və Türkiyədə keçirəcəklər.

    Hollivud ulduzu Skarlet Yohansonun rol aldığı qazlı su reklamına qadağa qoyulub. Amma digər video çarxlardan fərqli olaraq, səbəb reklamın həddən artıq cazibədar olması olmayıb. Amerikada idman sahəsində ilin ən vacib hadisəsi olan Super Kubokun fasilələrində nümayiş etdirilməsi planlaşdırılan reklam dünyanın ən güclü içki firmaları ilə rəqabət apardığına görə qadağan olunub.

    Robert Pattinsonla qalmaqallı ayrılığından sonra bir müddət sükunətini qoruyan aktrisa Kristen Stüart “The Gloss” jurnalına maraqlı açıqlamalar verib. Ulduz saçlarını dibindən qırxdırmaq istədiyini və başının arxasına döymə etdirmək arzusunu dilə gətirib. Ingilis mətbuatı Kristenin dərin depressiyada olduğu üçün belə qərar aldığını iddia edib.

 

Sahilə Aslanova

 

Muz-Tv.az