Yerli şou-biznes əhlindən maraqlı açıqlamalar

Xalq artisti Zülfiyyə Xanbabayeva Röya Ayxanın “Mənəm” adlı konsertini izləməyə gedib. Axşam.az-ın məlumatına görə, müğənni tədbiri çox bəyəndiyini bildirib. 

    Xalq artisti Zülfiyyə Xanbabayeva Röya Ayxanın “Mənəm” adlı konsertini izləməyə gedib. Axşam.az-ın məlumatına görə, müğənni tədbiri çox bəyəndiyini bildirib. O, açıqlamasında Röyanın ünvanına təriflər yağdırıb: “Röyanın konsertdən əvvəl media nümayəndələri ilə görüşməsinə təəccübləndim. Bu, gözəl addımdır. İnsan çox həyəcanlı olur. Mənim ağlıma gəlmirdi ki, konsertdən əvvəl mətbuata açıqlama verim. Yaradıcı insan məsuliyyəti üzərində hiss etməlidir. Konsertə çox böyük əmək sərf edilib”.

    Müğənni Samir Piriyev tədbirlərin birində fotokameralara tuş gəlib. Axşam.az-ın məlumatına görə, uzun müddətdir pəhriz saxlayıb arıqlayan sənətçinin yenidən artıq çəki alması diqqətdən qaçmayıb. S. Piriyev hazırda cüdo vasitəsilə bu çəkidən xilas olmağa çalışdığını bildirib: “Hərdən üç-dörd kiloqram artıq çəki yığıram. Amma tez bir zamanda arıqlayıram. Uşaqlıqda peşəkar cüdoçu olmuşam. İndi də hərdən cüdo ilə məşğul oluram, bu məni arıqladır. Bir günə 1,5 saat idmanla məşğul olmaqla dörd kiloqram arıqlaya bilirəm. Əslində, bir az çəkim artan kimi üzüm şişir, bədənim o qədər də kökəlməyib”. 

Samir Piriyev yaxın günlərdə yenidən aparıcı kimi efirdə görünəcəyini bildirib: “Kamran Həsənlinin “Bizim saat” verilişini bundan sonra ikimiz aparacağıq. Maraqlı bir ideyamız var”. 

   Yaradıcılıq işlərini Azərbaycanla yanaşı Türkiyədə də davam etdirən müğənni Azəri Günel Zeynalova Bakını tərk edib. Buna səbəb onun yaradıcılıq işləridir: “Bildiyiniz kimi xeyli müddət idi ki, Bakıda idim. Doğma yurduma bu dəfəki gəlişimdə xeyli yaradıcı işlərimlə yanaşı, habelə “Azərbaycan turnesi” layihəm barədə işlər gördüm. İndi isə Türkiyəyə yola düşürəm. Orada da bir neçə layihələrim var ki, onları da həyata keçirməliyəm. Azərbaycana isə mart ayında qayıtmaq niyyətindəyəm. Həmin ərəfədə bölgələrdə konsertim olacaq”.Onu da əlavə edək ki, A.Günel martda ölkəmizin 8 bölgəsində konsert proqramı ilə çıxış edəcək. İlk konsertin Ağdam rayonun Quzanlı kəndində verilməsi nəzərdə tutulub.

   Müğənni Xatirə İslam işlərinin çoxluğundan övladına vaxt ayıra bilməməsindən şikayətlənib.Bu barədə danışan müğənni tədbirlərin və toyların çox olmasını səbəb gətirib. “İşlərim o qədər çox olur ki, oğlumla istədiyim kimi vaxt keçirə bilmirəm”.

 

Fuad Oqtayoğlu

 

Muz-Tv.az