Aygün Kazımovanın Malibuda reallaşdırılan yeni fotosessiyası yayımlandı

Xalq artisti Aygün Kazımovanın Sakit okean sahillərində reallaşdırdığı fotosessiyasından kadrlar yayımlanıb. 

   Xalq artisti Aygün Kazımovanın Sakit okean sahillərində reallaşdırdığı fotosessiyasından kadrlar yayımlanıb. 2013-cü ilin yayında “Coffee from Columbia” klipinin çəkilişləri üçün Amerikaya gedən ulduz Malibu çimərliyində qeyri-adi fotolar da çəkdirib. Şəkillər Kazımovanın “Telafisi yok” adlı lirik mahnısının müşayiəti ilə təqdim edilib.

   Əməkdar artist Ədalət Şükürov qarderobundan danışıb. Axşam.az-ın məlumatına görə, müğənni açıqlamasında əynindəki libasların 2014-cü ilin ən son modeli olduğunu bildirib.  Şükürov ona geyimlərində qızının məsləhət verdiyini deyib: “Qızım xaricdə olur, bütün moda nümayişlərinə qatılır. Ordan mənə ən son dəbdə olan libaslar alıb göndərir. Mən də seçib, bəyəndiklərimi geyinirəm. Ayağımdakı ayaqqabı tanınmış brenddir, heç mağazada satışa çıxarılmayıb. Bu saat isə çox sevdiyim bir markadır”.  Əməkdar artist saatının “Titanik” gəmisinin dəmirindən hazırlandığını qeyd edib.

   Müğənni Günay İbrahimli ötən gün qarın yağmasından istifadə edən məşhurlardan olub.  Sənətçi qardaşı ilə birlikdə qartopu oynamağa gedib. Günay çəkdirdiyi fotoları İnstaqram səhifəsində paylaşıb.

   Müğənni Ramal İsrafilov onun mahnısını ifa edən türkiyəli ifaçı Alişandan inciyib.  Bu haqda sənətçi özü açıqlama verib. Ötən həftə şəhərimizin qonağı olan türkiyəli müğənni Ramalla görüşməyib. Bir vaxtlar müğənninin “Gözümün işığı” adlı mahnısını ifa edən Alişanın bu hərəkəti sənətçinin xətrinə dəyib: “Onunla görüşmək üçün vaxtım yox idi. Amma özü istəsəydi, təklif etsəydi, imkan tapardım. Bu hərəkət məni incitdi”.

 

 

Sahilə Aslanova

 

Muz-Tv.az