“Möhtəşəm yüz il”dən adına layiq vida
Yayımlandığı 5 yanvar 2011 tarixindən bəri reytinq siyahılarında zirvəni heç kimə verməyən “Möhtəşəm yüz il” serialı tamaşaçıları ilə adına layiq şəkildə vidalaşmağa...
Yayımlandığı 5 yanvar 2011 tarixindən bəri reytinq siyahılarında zirvəni heç kimə verməyən “Möhtəşəm yüz il” serialı tamaşaçıları ilə adına layiq şəkildə vidalaşmağa hazırlaşır. Belə ki, “Tims Productions”-ın paralel olaraq sənədli film də çəkdiyi məlum olub. Xüsusi seçilmiş komanda üç ildir “Möhtəşəm yüz il”in çəkiliş meydançasında düşərgə quraraq serialın kameraarxasını görüntüləyib. Sənədli film gələn ay vida etməyə hazırlaşan serialdan dərhal sonra yayımlanacaq. Reklamlardan əldə olunan gəlir isə ssenarist Meral Okayın vəsiyyəti əsasında bir dərnəyə bağışlanacaq. Sənədli filmdə mərhum Meral Okayla Tuncel Kurtizin də yayımlanmamış görüntüləri yer alacaq.
Amerikalı məşhur aktyor Filip Seymur Hoffman Nyu Yorkdakı evində vəfat edib. Qərb mediasının məlumatına görə, polis Hollivud ulduzunun həddən artıq narkotik istifadəsindən öldüyünü təyin edib. Hoffmanın cəsədinin köməkçisi tərəfindən tapıldığı qeyd edilib. Xatırladaq ki, Filip Seymur Hoffman 2005-ci ildə “Kapote” filmindəki roluna görə “Ən yaxşı aktyor” nominasiyasında “Oskar” mükafatı qazanmışdı.
44 yaşlı məşhur müğənni Cennifet Lopez ingilis “Glamour” jurnalına verdiyi müsahibəsində Mark Entoni ilə boşandıqdan sonra çox əzab çəkdiyini, amma yaşananların onu daha da gücləndirdiyini deyib. Lopez 6 yaşlı əkizləri Maks və Emmenin çətin anlarında ona dəstək olduqlarını da qeyd edib. Keçmiş həyat yoldaşı ilə dost olduqlarını söyləyən ulduz Markla hələ də bir-birlərini sevdiklərini vurğulayıb. Xatırladaq ki, yeni albom çıxarmağa hazırlaşan Cennifer son iki ildir özündən 18 yaş kiçik rəqqas Kasper Smartla birlikdədir.
Türkiyənin tanınmış aktyoru Mərt Fırata İtaliyadan təklif gəlib. Belə ki, məşhur "Global casting" agentliyi sənətçi ilə əməkdaşlıq etmək niyyətindədir. Dünyanın nəhəng film istehsalçıları ilə işbirliyi görən agentlik aktyorların əhəmiyyətli kinolarda rol almasını təmin edir. Fıratın təklifi qəbul edəcəyi təqdirdə Türkiyə xaricində filmə çəkilmək şansları artacaq. Qeyd edək ki, Mərt Fırat ötən il təqdim olunan "Kələbəyin rüyası" filmi ilə daha çox sevilib.
Sahilə Aslanova
Muz-Tv.az