Eldarın konsertinin vaxtı bəlli oldu

“Avroviziya-2011” mahnı müsabiqəsinin qalibi Eldar Qasımov ilk solo konsertinə hazırlaşır. Bu barədə Lent.az-a müğənni özü məlumat verib. 

    “Avroviziya-2011” mahnı müsabiqəsinin qalibi Eldar Qasımov ilk solo konsertinə hazırlaşır. Bu barədə Lent.az-a müğənni özü məlumat verib. İfaçının sözlərinə görə, ilk solo konsertinin adı, məkanı və vaxtı da məlumdur: “Nəhayət, xeyli müddətdir keçirmək istədiyim solo konsertimi gerçəkləşdirəcəyəm. Bunun üçün hər şey hazırdır. Belə ki, fevralın 23-də, saat 20:00-da yerli klubların birində “The one” adlı konsertim olacaq. Hazırda iki cür hiss keçirirəm. Birinci böyük məsuliyyət, ikinci isə vaxt azlığı”

     Müğənni Ramal İsrafilov xalq artisti Aygün Kazımovanın repertuarına müraciət edib. Sənətçi “Biletini alma” bəstəsini özünəməxsus tərzdə səsləndirib. Aygün Kazımovanın ötən ilin sonunda təqdim etdiyi mahnının söz və musiqisi Ramalın özünə aiddir.

     Bu gün əməkdar artist Lalə Məmmədovanın qızı Nərgizin ad günüdür. Axşam.az-ın məlumatına görə, müğənni övladını ilə şəkillərini paylaşaraq ona olan arzularını yazıb: “Gözümün nuru qızım, səni ürəkdən təbrik edirəm. Səni hər zaman gülən görmək istəyirəm. Gülməyi öyrən, ad günün mübarək”

     Müğənni Elçin Hüseynovun övladları ilə fotoları yayılıb. Hər zaman ailəsini mediadan uzaq tutan sənətçi uşaqları ilə gecə gəzintisinə çıxıb. Qeyd edək ki, Elçin Hüseynov 2008-ci ilin mayında ailə həyatı qurub. İfaçının Pənah, Röya və Raya adlı üç övladı var.

 

Sərvər Mehdiyev

 

Muz-Tv.az