Məşhur türkiyəli müğənni üçüncü dəfə xərçəng xəstəliyinə tutuldu

Daha əvvəl iki dəfə xərçəng xəstəliyi ilə mübarizə aparan və qalib gələn türkiyəli müğənni Kayahan yenidən kimyəvi müalicə almağa başlayıb. 

    Daha əvvəl iki dəfə xərçəng xəstəliyi ilə mübarizə aparan və qalib gələn türkiyəli müğənni Kayahan yenidən kimyəvi müalicə almağa başlayıb. Sənətçi 1990-cı ildə ayağındakı yağ vəzisini həkimə göstərmək üçün getdiyi xəstəxanada xərçəng xəstəliyinə tutulduğunu öyrənmişdi. Xəstəliyin 11il sonra yenə eyni yerdən baş qaldırması isə Kayahana çətin günlər yaşatmışdı. Dörd əməliyyatdan sorna sağlamlığına qovuşan müğənni yenə eyni xəstəliklə üzləşib. Həyat yoldaşı İpək Açarla xəstəxanada görülən Kayahanın müalicəsindən dolayı saçlarının töküldüyü diqqətdən yayınmayıb.

    Son zamanlar qalmaqalları ilə gündəmdən enməyən Mayli Sayrus “W Magazin” jurnalının mart sayının üz qabığında yer alıb. Daha əvvəl “Rolling Stone” jurnalı üçün çılpaq fotolar çəkdirən Sayrusun bu dəfəki fotosessiyasını isə türk fotoqraf Mərt Alaş reallaşdırıb. Çəkilişlər üçün saçlarını uzadan gənc müğənni heç bir tənqidi fikrə əhəmiyyət vermədiyini söyləyib.

    Məşhur Hollivud ulduzları Mila Kunis və Eşton Katçer tezliklə övlad sahibi olacaqlar. Belə ki, qərb mətbuatı Milanın hamilə olduğunu iddia edib. Artıq Kunis hamiləliyini gizlədə bilmir və bu, geyimlərindən açıq-aşkar hiss olunur. Daha əvvəl də bu barədə şayiələr yayılsa da, xəbərlər özünü təsdiqləməmişdi. Artıq Milanın ilk uşağını gözlədiyi şübhəsizdir. Amma bu barədə cütlük açıqlama verməkdən çəkinir.

    Ayda təxminən 10 konsert verən Hadisə fevral üçün gələn bütün təklifləri rədd edib. Bir müddətdir təxirə saldığı yeni albomunu təqdim etmək qərarına gələn müğənni ay ərzində studiyada mahnılarını yazdırmaqla məşğul olacaq. Hadisə 12 mahnının yer alacağı musiqi toplusunda bir müddət əvvəl yayımlamaqdan imtina etdiyi “Tövsiyə” sinqlına da yer verəcək.

 

Sahilə Aslanova

 

Muz-Tv.az